اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الأحد، 14 فبراير، 2010

مخــــدر شـــارد


تعـــــرف....
تأثيرك على قلبى يشبه المخدر....يؤلم وريدى بوخزة عميقة......ثم يتسلل الى دمى...يسبح بداخله....فيندمج معه ويتوه..... وسرعان ما يذوب ويتلاشى فلا يستطيع أنبغ الأطباء تمييزه.

كيف ومتى يبدأ ...والى أين يصل ؟؟!!! ...لا أعرف.... فهو "شــارد"... معروف "المنبع" ...مجهول "المصب"... هل يبدأ بتخدير زراعى التى استسلمت له من البداية؟؟.... أم عينى التى سرعان ما غرقت فى سبات عميق....أم يخلى مسئوليته.. و يؤثر أقصر الطرق.. فيذهب مباشرة الى عقلى لكى يوزع هو المهام ويأمر جميع حواسى بالصمت والخضوع لتأثيره......؟؟!!!!!!.

مخدر قوى...سريع المفعول...ولكنه.. عفوا... "محدود التأثير".....فهو لا يملك سلطان على لسانى الذى يظل يهزى ويسرد ذكرياتنا "مدعيا عدم كمال الادراك".....ادعاء كاذب...يا له من ماكر!!!!... يهوى الحديث عنك متخفيا وراء ستار الغيبوبة...ولكن هيهات....فسرعان ما تخبو نشوة فرحته بكونه المستيقظ الوحيد .....عندما يدرك أن قلبى هو الآخر مستيقظا يسمع عذب حديثه وآآآآآآآهات  نجواه ..... فيرقص عليها فى تناغم غريب وكأنه مستمتع بهدوء وسبات باقى أجزاء جسدى.... مفتخرا بأنه هو الآخر خارج نطاق التخدير.....!!!!!

ولكنى أقر وأعترف.....
أنى أستمتع بتأثير هذا المخدر اللانهائى....!!
أنى لن ألجأ لأى من أجهزة الافاقة مهما حدث....!!!
أنى لن أستجيب لانعاش أى من الأطباء لأنك أنت وحدك علتى ودوائى.....
أقر أيضا..بأنى سأترك عينى فى سباتها...ولسانى فى هزيانه.....وقلبى فى نجواه .......
وسأعترف أمام العالم أجمع بأننى المريض الوحيد الذى لا يشقى بمرضه... ولا يرجو الشفاء.........

هناك 24 تعليقًا:

هي وظروفها يقول...

الله اكبر

ايه المرض العاطفي اللي هب علي شرايين قلب فجأتن وبدون سابق انذار

ايه يا شوشو العواطف الجياشه دي

اه والله جياشه

تعرفي ان لو الحب كان متبادل مع تبادل الاحترام والتقدير والتضحيه
يطلقوا عليه اي اسم حتي لو كان مرض فهو اعظم مرض يصاب ويستمتع بيه الانسان وخللي اللي يقول يقول

بس لو زاد لمرحله متقدمه يبقي
يا عزال العاشقين دع فئه
أضلها الله فكيف تهديها

بس من الاخر ومن خلال تجربه
الله يخرب بيت الحب بيعمل عمااااااااايل يا بت يا شيماء
يلا هابي فانتين انتي واللي هيبقي باذن الله قريب معرف ومحدد ومميز اكيد

هي وظروفها يقول...

نسيت اباركلك علي المدونه وعمليه التجديد الشامله يا شيخه الشكل بتاعي انا وانتي كان كئيب انما ده اختيار ممتاز

الطيــر العاشـق يقول...

مشمشة .......
إيه بس جو المخدر ده ... والله رائع بجد حلو قوي بجد تفكيرك راااائع وعقلك نااااافذ بجد اختيارك للكلام حلو قوي بجد

تسلمي عليه بس أنا بدعي بقي الله يشفيكي لأن المخدر ده ممكن يجيله وقت ويزيد كمان كام حرف كده وتبقي مصيبه ولا ايه رأيك هههههههههههه

تسلمي بجد الله يحميكي

Tears يقول...

فعلا فيه احيانا امراض مش بنكون عايزين نشفى منها لانها أجمل من واقعنا بس لو دققتى مش ح تلاقيها أمراض انما ح تلاقيها نعم ربنا علينا


كل عام و انتى بحب
:)

أميرة الأحلام يقول...

شوشو يا قمر ..
الله ياشوشو اسلوبك بجد جميل اوى
حلو اوى البوست
كل سنه وانتى والي بتحبيهم يا حبيبتى بالف خير

أحمد عاطف يقول...

دائما ما يبدأ التخدير الذي تتحدثين عنه من العين

حتى يثري في كل اوصال العقل والروح

ومهما حاولتِ فلن تجدي اطباء يستطيع افاقتك

لانه المخدر الذي لا افاقة منه

تحياتي

الوفية للأبـــد -- مها أحمد يقول...

يا رب اكون اول كرسي

الوفية للأبـــد -- مها أحمد يقول...

لا يبقى انا مش اول كرسي خلاص مش مهم

المهم اني قرات الموضوع الجميل ده يا شوشو
ايه ده يا بنتي رووووووووووووووووعة و الله
عارفة فعلا تاثير المخدر ده احنا اوقات بنحب انه يستمر و اننا نفضل تحت تاثيره مادام بنحب كده
لكن لو عايزين نفوق من التاثير ده هنفوق بجد و بكل ارادة
بس حلاوة الحب عذابه بقى

يا رب تقابلي انسان يهنيكي و وتفرحوا دايما يا رب
و حسنة قليلة تمنع بلاوي كتيرة
ههههههههههههههههههههههههههههه

تقبلي خالص حبي و تقديري يا قمر

Shaimaa يقول...

هى وظروفها...
ولييييد...منور أول واحد
هوه فعلا أحلى مرض...وممكن نسأل "سارة" كمان هتقول ده فعلا أحلى مرض فى العالم

ياااااارب دايما مع بعض طول العمر
خالص تحياتى

Shaimaa يقول...

ولييييد
أنا قولت أقلدك بقه وأغير شكل المدونة اشمعنا انت يعنى؟... هوه أنا بنت البطة السودة ولا ايه
هههههههههههه

Shaimaa يقول...

الطير العاشق...
فرفورة حبيبتى...يارب تكونى بخير

هوه ممكن فعلا يتحول لادمان ...بس أكيد هيبقى أحلى ادمان...اننا نحب أوى كدة ونقرب أوى كدة ونسيب نفسنا وعقلنا وقلبنا لانسان تانى بكامل ارادتنا ..ده أحلى ادمان
خالص حبى يا فرفورتى

Shaimaa يقول...

tears

هيه فعلا نعمة من نعم ربنا يا تيرز ...ربنا يديمها على كل اللى بيحب حبيبته ..وأمه...وأخته وأخوه وصحبه..وكل علاقة حلوة فيها حب بجد
خالص تحياتى

Shaimaa يقول...

أميرة الأحلام...وحشتينى يا بنتى فينك من زمان...يارب تكونى بخير والأمور كلها تمام

ربنا يديم عليكى نعمة حب كل اللى حواليكى ليكى...ويبعتلك حب يستاهل قلبك
خالص حبى

Shaimaa يقول...

أحمد عاطف...
فعلا هو يبدأ بالعين ثم يذهب مباشرة للقلب فيحتله احتلال أبدى ....
وهو فعلا المخدر الذى لا افاقة منه..صدقت
شكرا لمرور حضرتك
خالص تقديرى

Shaimaa يقول...

مهمومة حبيبتى...
يا جميل أول كرسى ..آخر كنبة..المهم تشرفينا وبس ..ان شاء أقعد أنا وانتى فى المطبخ...ههههههههههه

يااارب يبقى فى حياتنا كلنا يا "مها" حد يستاهل اننا نبقى مخدرين عشانه...منشوفش أخطاء.. ونغفر عثرات ..وننسى مشاكل ....كل ده بس عشان احنا بنحب بجد
ياارب يديم عليكى تخدير أحمد ....ومتفوقيش خاااااالص
خالص حبى

psycho يقول...

كلامك حلو قوى
لو المخدر كلو بالشكل ده
نتعاطاه عن طيب خاطر
والشفا منه مش مطلوب نهائى

Shaimaa يقول...

PSYCH
ميرسى جدا ليك
ياريت نفضل عايشين بالمخدر ده علطول وياريت لو أدمناه... هيكون أحسن ادمان بس يكون مخدر صادق علشان نعيش بيه ومعاه العمر كله واحنا راضيين
خالص تقديرى

elsha3er يقول...

السلام عليكم

اسلوبك جميل ومميز وعجبتنى


واهات نجواة



تحياتى

احمد الشاعر

Shaimaa يقول...

أحمد الشاعر
ميرسى يا فندم على ذوقك وشرفتنى بالزيارة
خالص تقديرى

Just waiting يقول...

أنى أستمتع بتأثير هذا المخدر اللانهائى....!!
أنى لن ألجأ لأى من أجهزة الافاقة مهما حدث....!!!
أنى لن أستجيب لانعاش أى من الأطباء لأنك أنت وحدك علتى ودوائى.....

جميل قوي
شكرا ليكي

Shaimaa يقول...

JUST WAITING
ميرسى لذوقك
وشكرا لحضرتك على المرور
خالص تحياتى

sal يقول...

ربنا يهنيك ويسعدك بما انت فيه

Shaimaa يقول...

Sal
ميرسى لذوقك ولكلامك الحلو ده

farouksohair يقول...

فاروق بن النيل ...
تعودنا أن الممنوع مرغوب ومقدر*!! وماعز عليكى فأنت أسيرته فهو مخدر*!!
عشق مرض داء هوى سميه مسكر *!!
إنه هو شيئ عز علينا وتعذر *!!
فأصبح يشدنا إليه أكثر فأكثر *!!
وقد علا علينا وإرتفع حتى تكبر *!!
farouksam.blogspot.com