كنت بتفرج من كام يوم كدة على برنامج على قناة دريم اسمه "عيش أيامك" .. المذيعة بتاعته ضعيفة جدا ومعندهاش ريحة الثقافة ولا المعرفة عن أى حاجة فى أى حاجة وملبوخة علطول ... بس حرام البنت أمورة أوى والله ... أعتقد هما عملوها مذيعة عشان كدة ..
المهم انها كانت مستضيفة دكتور فى العلاقات الأسرية والاجتماعية محترم أوى وبيتكلم كويس أوى فى مجاله ... تطرق فى حديثه للعلاقة بين الرجل وزوجته وازاى يهتم بيها وتهتم بيه .... وازاى يبقى فيه دايما حوار وحب متبادل ... وبدأ يشرح مظاهر الاهتمام والحب ده .... زى مثلا أول ما يدخل من الباب تاخده فى حضنها .... تقوله وحشتنى يا حبيبى ...عملت ايه فى شغلك؟.... تكلمه فى مشاكله ... تلبس أحلى حاجة عندها ... يحاولوا يخرجوا يسهروا فى أى مكان ... تاخد رأيه فى تسريحتها ومكايجها والورد الجميل اللى جابته... تجيبله هدية وياريت تكون حاجة هوه محتاجها وكان مكسل أو مشغول ومش فاضى ينزل يشتريها ...
اتصلت احدى المشاهدات وسألته ... أنا بحاول أعمل كل اللى حضرتك بتقوله ده .... بحضن جوزى أول ما يدخل ..بيشيل ايدى ويبعدها..بحاول أتكلم معاه بيغطى دماغه وينام ...بلبس أحلى حاجة وأحط أعلى برفان وبملى الشقة ورد وهوه ..لا تعليق ...
فرد الدكتور قالها ... اسأليه ..قوليله ليه مش بتحضنى لما بتدخل من باب الشقة؟ ..ليه مش بتتكلم معايا؟... ليه محسسنى انى كرسى فى البيت؟ ... الورد مش عاجبك؟ ....ليه....؟......ليه................؟................................ليه؟ و100 ليه وليه....
عايزة أقول للدكتور حاجة مهمة جدا كلام حضرتك حلو جدا والله .... بس مينفعش.... مينفعش اطلاقا الست تشحت وتتسول الحب من الراجل ....مينفعش تقوله حبنى والنبى... حس بيا عشان خاطرى..... عاملينى على انى بنى آدم وحياة أبوك ..... خدنى فى حضنك أبوس ايدك .... كلمنى على مدار اليوم اسأل عليا خصيمك النبى ..... مينفعش....لأنها بتتعامل مع انسان ناضج عاقل كامل فاهم كويس هوه بيعمل ايه .... فى ناس هتقول "الراجل طفل صغير وعايز معاملة خاصة" ... طيب لما تحاول مرة واتنين وتلاتة وتلاقى رد الفعل وحش أوى تعمل ايه؟...
ممكن فى ستات تتحمل ده ...بس أنا عن نفسى مقدرش ... مقدرش اطلاقا ... مش بس من زوجى المستقبلى .. لأ... مع أقرب الناس ليا ومع قرايبى ومع أصدقائى .... زى ما بدى اهتمام وبقدر اللى قدامى وبحبه وبحترمه ..... لازم آخد نفس الاهتمام والحب والاحترام والتقدير ...
أعتقد أغنية نانسى عجرم دى أبلغ أغنية اتكبت فى التاريخ مش بس للحبيب والزوج ...لأ .... لكل انسان بيدى وبيحترم وبيحب وبيقدر والمفروض يكون رد الفعل مناسب ومساوى لكل ده.....
فى حاجات تتحس ومتتقلش
وان جيت أطلبها أنا مقدرش
ولو انت عملتها .. بعد ما أنا ... أطلبها
يبقى مينفعش
مقدرش أقولك غير كل طريقة حبك ليا
أو غير عليا ولا فاجئنى فى مرة وهاتلى هدية
واملا عينيا واعمل حاجة أنا مش عارفاها
مقدرش أقولك حلى الدنيا فى عينى وغير فيا
لو مهما كنت قريب منى وكنت قريب ليا
واملا عينيا واعمل حاجة أنا مش عارفاها
المهم انها كانت مستضيفة دكتور فى العلاقات الأسرية والاجتماعية محترم أوى وبيتكلم كويس أوى فى مجاله ... تطرق فى حديثه للعلاقة بين الرجل وزوجته وازاى يهتم بيها وتهتم بيه .... وازاى يبقى فيه دايما حوار وحب متبادل ... وبدأ يشرح مظاهر الاهتمام والحب ده .... زى مثلا أول ما يدخل من الباب تاخده فى حضنها .... تقوله وحشتنى يا حبيبى ...عملت ايه فى شغلك؟.... تكلمه فى مشاكله ... تلبس أحلى حاجة عندها ... يحاولوا يخرجوا يسهروا فى أى مكان ... تاخد رأيه فى تسريحتها ومكايجها والورد الجميل اللى جابته... تجيبله هدية وياريت تكون حاجة هوه محتاجها وكان مكسل أو مشغول ومش فاضى ينزل يشتريها ...
اتصلت احدى المشاهدات وسألته ... أنا بحاول أعمل كل اللى حضرتك بتقوله ده .... بحضن جوزى أول ما يدخل ..بيشيل ايدى ويبعدها..بحاول أتكلم معاه بيغطى دماغه وينام ...بلبس أحلى حاجة وأحط أعلى برفان وبملى الشقة ورد وهوه ..لا تعليق ...
فرد الدكتور قالها ... اسأليه ..قوليله ليه مش بتحضنى لما بتدخل من باب الشقة؟ ..ليه مش بتتكلم معايا؟... ليه محسسنى انى كرسى فى البيت؟ ... الورد مش عاجبك؟ ....ليه....؟......ليه................؟................................ليه؟ و100 ليه وليه....
عايزة أقول للدكتور حاجة مهمة جدا كلام حضرتك حلو جدا والله .... بس مينفعش.... مينفعش اطلاقا الست تشحت وتتسول الحب من الراجل ....مينفعش تقوله حبنى والنبى... حس بيا عشان خاطرى..... عاملينى على انى بنى آدم وحياة أبوك ..... خدنى فى حضنك أبوس ايدك .... كلمنى على مدار اليوم اسأل عليا خصيمك النبى ..... مينفعش....لأنها بتتعامل مع انسان ناضج عاقل كامل فاهم كويس هوه بيعمل ايه .... فى ناس هتقول "الراجل طفل صغير وعايز معاملة خاصة" ... طيب لما تحاول مرة واتنين وتلاتة وتلاقى رد الفعل وحش أوى تعمل ايه؟...
ممكن فى ستات تتحمل ده ...بس أنا عن نفسى مقدرش ... مقدرش اطلاقا ... مش بس من زوجى المستقبلى .. لأ... مع أقرب الناس ليا ومع قرايبى ومع أصدقائى .... زى ما بدى اهتمام وبقدر اللى قدامى وبحبه وبحترمه ..... لازم آخد نفس الاهتمام والحب والاحترام والتقدير ...
أعتقد أغنية نانسى عجرم دى أبلغ أغنية اتكبت فى التاريخ مش بس للحبيب والزوج ...لأ .... لكل انسان بيدى وبيحترم وبيحب وبيقدر والمفروض يكون رد الفعل مناسب ومساوى لكل ده.....
فى حاجات تتحس ومتتقلش
وان جيت أطلبها أنا مقدرش
ولو انت عملتها .. بعد ما أنا ... أطلبها
يبقى مينفعش
مقدرش أقولك غير كل طريقة حبك ليا
أو غير عليا ولا فاجئنى فى مرة وهاتلى هدية
واملا عينيا واعمل حاجة أنا مش عارفاها
مقدرش أقولك حلى الدنيا فى عينى وغير فيا
لو مهما كنت قريب منى وكنت قريب ليا
واملا عينيا واعمل حاجة أنا مش عارفاها
هناك 11 تعليقًا:
شيماء..........
أمال الراجل هوه اللى يشحت فيه رجاله بيعملوا كده برضه مع مراته فيفاجأ بأنها تقول له كبرنا على الحاجات دى هى الحياة كده خالف تعرف أو إذا كنت حنونا وقدمت الحنية ستجد ردا عكسيا وربنا يرحمنا
شيماء..........
أمال الراجل هوه اللى يشحت فيه رجاله بيعملوا كده برضه مع مراته فيفاجأ بأنها تقول له كبرنا على الحاجات دى هى الحياة كده خالف تعرف أو إذا كنت حنونا وقدمت الحنية ستجد ردا عكسيا وربنا يرحمنا
اتفضلى التعليق
http://tears-demo3.blogspot.com/2010/10/blog-post_29.html
صح يا شيماء
فعلا مينفعش
وفى حاجات مستحيل تطلب
الاغنية فعلا عبرت كويس اوى اوى
تحية ليكى يا شيموو
فاروق ابن النيل...
أنا اختصيت الراجل بكلامى علشان أسباب كتير أهمها على الاطلاق ان الراجل الشرقى دايما متحفظ فى مشاعره واهتمامه وتقديره لمراته... بيعتبر انه لو قالها كلمة حلوة واهتم بيها بحاجات فى نظره هوه صغيرة... عندها هيه كبيرة .... بيتخيل ان ده ضعف وهيقلل من رجولته ومكانته فى البيت ...
لأ .. واللى يزيد ويغطى كمان خوفه من رأى الناس فيه "والتريقة" الخايبة اللى بقت صناعة مصرية خالصة ...
جرب حضرتك كدة تدخل مترو مثلا وتلاقى راجل حاطت ايده مثلا على كتف مراته ... شوف بقى كم التريقة اللى هياخدها الغلبان ده.. ولا لو ساعدها فى شغل البيت ..يااااااا سلالالالالالالام على هيشوفه ويسمعه ...
مجتمعنا للأسف بقى عنصر أساسى من عناصر فقدانا لحاجات كتير نفسنا أوى نعيشها
شكرا لمرورك
Tears..
"الرجل عندها موقف و كلمه
احساس و احتواء"
صح أوى يا تيرز كلامك ده صح ....
ده توارد أفكار بقه..
خالص حبى
Ms Venus..
فعلا أغنية جميلة يا فينوس ومعبرة أوى
دمتى بخير دايما يا حبيبتى
الاغنية تعبر عن ما تريدى ان تقولى وتحكى علية
وفعلاا لازم يكون فى عطاء ومحبة وتقدير متبادلبين الطرفين
مع خالص تحياتى
Tamer Nabil...
حضرتك أول راجل يقول رأى محايد مختلف .. دايما الرد الذكورى بيكون .. وهيه متديش ليه ...ومتحاولش ليه ..و..و...
فعلا لازم يكون فيه عطاء متبادل سواء من جانب الست أو الراجل .. مش ممكن نرمى كامل اللوم على طرف واحد...
شرفنى جدا مرورك
تحياتى
عنصر المفاجأه له تاثير السحر على اى علاقه
ويكسر حده الملل
ويكفيه رسم ابتسامه غير متوقعه حتى لو كان الفعل بسيط
اما الطلب فهو ياتى بعد حالات متكرره من الملل والوصول الى مرحله الياس
فاذا وصل الطرفان لمرحله (تسول)المشاعر فهذا يعنى فقر الطرفين بشده لها
وفاقد الشىء لا يعطيه
تحياتى
momken....
حطيت ايدك لنقطة مهمة وهى "فقر الطرفين للمشاعر دى" ...
ممكن يكون لعدة أسباب ومش سبب واحد .. أعتقد ان الحل يكون التغيير زز التغيير من شكل ورتم الروتين اليومى الللا بيخنق ده فى شكل سفر ...خروج أى حاجة بشرط وجود "الاستعداد " عندهم هما الاتنين لكسر الملل ده
شرفتنى بالزيارة
إرسال تعليق