اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الأحد، 10 أبريل 2011

اللى يلاقى دلع وميدلعش ...يــ ...ايه؟


"الأخوة و الأخوات أبناء شعب مصر..
تألمت كثيراً - و لا أزال - مما أتعرض له أنا وأسرتي من حملات ظالمة وإدعاءات باطلة تستهدف الإساءة إلى سمعتي والطعن فى نزاهتي ومواقفي و تاريخي العسكري والسياسي الذى إجتهدت خلاله من أجل مصر و أبنائها.. حرباً و سلاماً..
لقد آثرت التخلى عن منصبى كرئيس للجمهورية.. واضعاً مصالح الوطن وأبنائه فوق كل إعتبار، وإخترت الإبتعاد عن الحياة السياسية.. متمنياً لمصر وشعبها الخير والتوفيق والنجاح خلال المرحلة المقبلة.
إلاَّ أنني، وقد قضيت عمراً فى خدمة الوطن بشرف وأمانة، لا أملك أن ألتزم الصمت فى مواجهة تواصل حملات الزيف والإفتراء والتشهير، وإستمرار محاولات النيل من سمعتى ونزاهتي، والطعن فى سمعة و نزاهة أسرتي. ولقد إنتظرت على مدار الأسابيع الماضيه أن يصل الى النائب العام المصرى الحقيقه من كافة دول العالم والتى تفيد عدم ملكيتي لأى أصول نقدية أو عقارية أو غيرها من ممتلكات بالخارج.
و إيماناً من جانبى بأنه لا يصح فى النهاية إلا الصحيح و دحضاً لما يتم الترويج له من إدعاءات و إفتراءات، فلقد قررت الآتى :
1- بناء على ما تقدمت به من إقرار لذمتي المالية النهائي و البيان الذى أصدرته مؤكداً فيه عدم إمتلاكى لأى حسابات أو أرصدة خارج جمهورية مصر العربية فإننى اوافق على أن أتقدم بأى مكاتبات أو توقيعات تمكن النائب العام المصرى بأن يطلب من وزارة الخارجية المصرية الإتصال بكافة وزارات الخارجية فى كل دول العالم لتؤكد لهم موافقتى أنا و زوجتى على الكشف عن أى أرصدة لنا بالخارج منذ إشتغالى بالعمل العام عسكرياً و سياسياً و حتى تاريخه و ذلك حتى يتأكد الشعب المصرى من أن رئيسه السابق يمتلك بالداخل فقط أرصدة و حسابات بأحد البنوك المصرية طبقاً لما أفصحت عنه فى إقرار الذمة المالية النهائى.
2- موافقتى على تقديم أى مكاتبات أو توقيعات تمكن النائب العام المصرى من خلال وزارة الخارجية المصرية الإتصال بكافة وزارات الخارجية فى كل دول العالم لإتخاذ الإجراءات القانونية المناسبة للكشف عما إذا كنت أنا و زوجتى و أى من أبنائى علاء و جمال نمتلك أى عقارات أو أى أصول عقارية بشكل مباشر أو غير مباشر سواء كانت تجارية أو شخصية منذ إشتغالى بالعمل العام عسكرياً و سياسياً و حتى تاريخه حتى يتسنى للجميع التأكد من كذب كافة الإدعاءات التى تناولتها وسائل الأعلام و الصحف المحلية و الأجنبية حول أصول عقارية ضخمة و مزعومة فى الخارج أمتلكها أنا و أسرتى.
هذا و سيتضح من الإجراءات المعمول بها أن عناصر و مصادر أرصدة و ممتلكات أبنائى علاء و جمال بعيدة عن شبهة إستغلال النفوذ أو التربح بصورة غير مشروعة أو غير قانونية.
و بناء عليه و بعد إنتهاء الجهات المعنيه من هذا و التأكد من سلامته و صحته فإننى أحتفظ بكافة حقوقى القانونية تجاه كل من تعمد النيل منى و من سمعتى و من سمعة أسرتى بالداخل و بالخارج...
الأخوه و الأخوات
ستظل مصر دائماً لنا جميعاً هى الهدف و الرجاء …
وفق الله مصر و شعبها…
و سدد على طريق الخير خطى أبنائها…
و السلام عليكم و رحمة الله و بركاته…".

نقلا عن موقع جريدة الفجر....

1- انت لسة عايش فى الدور ... "الأخوة والأخوات".... و"لقد قررت"  .... ايه لسة مفؤتش... مش عايز تنزل من البرج العاجى اللى كنت معيش نفسك فيه وفاصل نفسك عن "المواطن" ..المواطن" الى كنت بتغنيها فى كل خطبة .. البرج العاجى اللى وصلك للى انت فيه دلوقتى

2- بقى كل الهليبة والحرامية اللى حواليك اللى عمالين يقعوا واحد ورا التانى اللى قسموا أموال البلد وأرضها على بعض دول كلهم حرامية وانت الشريف اللى فيهم..... سبحان الله.... وكنت منتظر طول المدة دى عشان تدى فرصة للنائب العام يدور ؟... شكرا على ذوقك.....
 هوه فى حد اتحرك وبعت يجمد أرصدتك الا بعد خراب مالطة.....

3- بحييك جدا جدا على كلمتك المتزنة اللى كل كلمة فيها حقيقة ... أيوة .... وليك حق تقول وتعمل أكتر من كدة .... لما تقعد أكتر من شهر لما النائب العام يهز طوله ويفتكر يحجز على أموالك

-لما أحمد شفيق وأحمد أبو الغيط يرفضوا مخاطبة أى دولة أوروبية بتجميد أموالك لحد ما انت وولادك ترستأوا نفسكوا وترتبوا أوراقكم . ومش انت بس ... لأ ده جميع رؤساء العصابة أمثال فتحى سرور وزكريا عزمى وابراهيم كامل والزغلول الكبير "صفوت الشريف" رئيس العصابة ... كلهم ادينالهم فرصة كافية جدا يرتبوا نفسهم ويهربوا أموالهم ويأجروا اللى هيشيل الليلة كلها كمان ...

- ومش بس كدة ... الحمد لله والشكر لله المجلس العسكرى محولك شرم الشيخ لسكنة عسكرية ....حاطين عليك حماية برا وبحرا وجوا وأكيد فى التواليت كمان .... ما انت ثروة قومية ..... سايبين الآثار تتنهب بايد حاميها حراميها اللى هوه "زاهى حواس" وقاعدين يحموك انت

- لو كنت اتاخدت على غافلة زى "زين العابدين بن على " كنا عرفنا ناخد فلوسنا... لأ وايه الشعب التونسى ماكتفاش  بكدة لأ بيلاحقوه قضائيا هوه وكل عيلته ....

-المجلس العسكرى بقة بيقول انك انت ومراتك وجمال وعلاء قيد الاقامة الجبرية ... وفجأة وعلى غفلة الناس تشوف ابنك قاعد فى نادى من النوادى مع زكريا عزمى .... حلوة الاقامة الجبرية اللى على المزاج دى..

-طب سؤال برىء سطحى..... انت كنت بتاخد مرتب عشان رئيس جمهورية والمفروض محدش يحاسبك عشان انت كنت موظف حكومى رسمى ..  ماشى هنبلعها ... طب الأستاذ جمال والأستاذ علاء كانوا بياكلوا منين؟ ... صنعتهم ايه يعنى  ؟.....

- ليك الحق تحتفظ بحقك فى مقاضاة  من أساءوا لسمعتك ما هى البجاحة ليها ناس...
أنا بحييك والله ....عندك حق تقول كدة وأكتر من كدة .... بس اذا كنت رتبت ورقك فى موضوع الأموال -اللى هنلاقيلها سكة ان شاء الله- لازم تعرف ان مش الفلوس بس هيه الحاجة اللى هتخلينا نحاسبك .. لأ ...
*فيه متظارين أبرياء استشهدوا بأمر منك
*فيه مجموعة حرامية حواليك انت كنت عارف بيهم ومحاسبتهمش
* فى ملف توريث انت كل الراعى الرسمى ليه
*فيه غاز بيتصدر ببلاش واحنا مش لاقيين أنبوبة البوتاجاز
*فيه "توشكى" اللى بعتها ببلاش لل الوليد ابن طلال
*فى بلد رجعتها لوراء 30سنة عشان خاطر ارضاء أمريكا واسرائيل  
*فى وزير داخلية كنت طالقه زى الكلب علينا لحد ما حولت البلد لشيكاغو
*فى بلد خصخصتها وبعتها لرجال الأعمال وسيبت الشعب يولع
فى تراجع سياسى واقتصادى وعالمى وداخلى وخارجى وكوارث كنت انت الراعى الرسمى ليها يعنى مش هنسيبك

هناك 10 تعليقات:

إيمان يقول...

شوشو ازيك
ياترى لسه فكرانى
اولا بالنسبه لخطاب الرئيس السابق
فمش هقول غير انه فعلا لسه عايش ف دور المنصبه
والحق هيرجع هيرجع
تحياتى وحبى

Tears يقول...

برافو يا شيماء بس ياريت تغيرى كلمة الجيش اللى اكررت فى التدوينة بالمجلس العسكرى لان فيه فرق شاسع...الجيش هو القاعدة العريضة من الضباط و الجنود اللى بيغلوا من ما يحدث من تضييع لثروات مصر و بيبكوا و همه واخدين اوامر يفتحوا النار على العزل المعتصميين

قلنا من اول يوم ان طول ما اللى متحكم جزء من النظام الفاسد فطبيعي مبارك يقول كده و طبيعي فلوسه تضيع لان لو حد جه جنبه ح يفضح الجميع فلا يعقل ان يكون من أخلص لهذا الفاسد عشرين عام ملاك و الإ لكان انقلب عليه على الأقل لتفريطة فى ثروات مصر من غاز طبيعي و اخلاصه لمصالح اسرائيل أكثر من وطنه و ابناؤه

mrmr يقول...

طبعا بيخطب وحاطط فى بطنه بطيخه صيفى وشتوى وربيعى وخريفى كمان ما هو اكثر من شهر كفايه علشان يرتب اوراقه ويطبخها واحنا ظلمينه يا روح امه وبكل بجاحه عايز يحاكم الناس اللى بتسئ ليه وفى سمعته السياسيه
امال حق الناس الغلابه فين
حق دم الشهداء فين
حق كل طفل بيصرخ لامه علشان رغيف العيش فين
يا ترى حق الشعب فين وفى رقبه مين

ربنا موجود

Humman being يقول...

emymony....
طبعا فاكراكى ...فينك يا بنتى من زمان ... يارب نكونى بخير ويكون غيابك كان خير يارب

هوه أكيدعامل الخطاب زيادة فى الاستفزاز

Humman being يقول...

Tears..
صح .. أنا غيرتها للمجلس العسكرى بدل "الجيش"

يارب يكون فى مخرج من اللى احنا فيه ده يا تيرز... كان أسهل حاجة فى الموضوع تنحية مبارك ... مكوناش عارفين ان القضاء على أعوانه هيكلفنا كل ده ... بس هيه أكيد مسألة وقت وكل ثورة ليها تبعات وتمن

Humman being يقول...

mrmr....
حقنا كلنا فى رقبته ورقبة مراته وأولاده والعصابة أعوانه اللى مش هنسيب حد فيهم وهنقضى عليهم ان آجلا أو عاجلا
شرفتينى

MaNoO يقول...

لا لا متغلطيش ياشيماء احنا اللى شعب ناكر للجميل احنا مين الموظف اللى بياخد 400 جنيه هو اللى سرق فلوس البلد فى بطنه ولا يكونش واحد من بتوع العباره اخدهم وهو بيموت
دانت كلب المفروض فى ميدان عام وتتعدم هنجيلك فى اى مكان انت فيه ولو كنت بتستفزنا احنا ولا هيفرق معانا والجيش عارفين اخره شويه ضغط كمان ومش هيقدر يتحدى لان الشرعيه شرعيتنا وال 600 اللى ماتوا مستعد يموت اضعاف اضعافهم

فاروق سحير ( فاروق بن النيل ) يقول...

شيماء...........
كنت لسة حارد وأقول موش حانحاسبك على الفلوس والعقارات حانحاسبك بس على حاجتين :
1- اللى قتلهم حبيب العادلى بحجة قانون الطوارئ الذى أصدرته أنت والوحيد المسئول عنه هو إنت وأمامك قتيلان ( قصدى شهيدان ) خالد سعيد 13 يونيو 2010 بواسطة قسم سيدى جابر بالإسكندرية وكمان ( أحمد شريف ) بواسطة نفس القسم
2- الشهداء الذين قتلوا من جمعة الغضب 28 يناير وموقعة الجمل 2 فبراير والمولوتوف والرصاص 3 فبراير 2011م وكان ذلك كله بأوامر منك وجزاء من قتل يقتل ولو بعد حين وسوف تعلق أنت وزوجتك وإبنيك جمال وعلاء فى مشنقة بميدان التحرير وسنأتى بك من شرم الشيخ عنوة لو القضاء لم يتخذ هذا الإجراء على عجل ( قتلت أكثر من خمسمائة شهيد بالثورة .
ولن يرحمك الشعب يامبارك لاأنت ولاأسرتك
شكرا لكى ياشيماء..........

Ms Venus يقول...

صدقينى ما عارفة اقول ايه يا شيماء

تعرفى انا لما سمعت كلامه

نزل عليا بالضحك
تعرفى انتى احساس الضحك بتاع خيبة الامل ؟

لــــ زهــــــراء ــــولا يقول...

هههههه حلوة الصورة والعنوان معبر جداااااااااااااااا
يارب مصر احلى
لولا