اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الخميس، 14 أبريل 2011

تحية .. وسؤال


الحمد لله ....
وتحية لثورة التطهير الشاملة التى لم تفرق بين رئيس وغفير..

وتحية لروح الشهداء
*******

رسالة ... : الأستاذ فريد الديب المحامى ....ضميرك هيرجع من الأجازة المفتوحة امتى؟؟!! ولا هوه راح فى أجازة ومرجعش تانى؟؟؟؟
 هتدافع عن حبيب العادلى والمواطن حسنى مبارك الاتنين مع بعض ؟... بس تصدق برده مش غريبة . ماهو اللى يقبل يترافع عن حبيب العادلى لازم وضرورى يدافع عن حسنى مبارك

وهنستغرب ليه ما انت قبل كدة قبلت تدافع عن الجاسوس الاسرائيلى "عزام عزام" يبقى مش غريبة تعمل أى حاجة

هناك 7 تعليقات:

IMSA يقول...

شيماء :
فريد الديب معروف عنه بإنه سيد بلا منازع في البحث عن الفائدة التي يريدها وتاريخه معروف ، هاجم من قبل الاستاذ هيكل في جريدة الاخبار تقريبا حين تحدث هيكل عن النظام المباركي ابان الانهيار والثورة ..
//
ومعروف عنه الدفاع عن أي شئ بحثا عن الشهرة والمال ، اما بخصوص الضمير فحدث ولا حرج ..
//
تقبلي ردي ومروري

Ms Venus يقول...

الضمير !!!


ده انقرض من زمان يا شيموو عند ناس كتيرررررررر

مؤنس فرحان يقول...

فريد الديب و غالبية المحاميين عينيهم على الأتعاب والشهرة ولفت الأنظار وانه يعلى سعره

سواء الديب ولا مرتضى ولا ابو شقة ولا طلعت السادات ولا ولا .. كلهم نفس العينة

بس الخلاصة .. ان ربنا مابيضيعش حق حد .. طالما احنا ورا المطالب دى .. مفيش حاجة حاتروح ولا دم اى شهيد او كرامة اى مصرى اتهانت فى اى يوم بسبب الأوباش اللى كان ماسكين البلد

Humman being يقول...

IMSA...
كان نفسى يختفى من الحياة زى أمثاله اللى فى سجن طره دلوقتى ... بس أكيد وقته جاى...

شكرا لمرورك الكريم
خالص تقديرى

Humman being يقول...

ms venus...
آيوة يا فينوس انقرض... بس عندى أمل كبير يرجع ويصحى تانى ..حاسة ان مصر بتتغير ... سعادتى غريبة بدخول مرتضى منصور السجن ..يمكن أكتر من فرحتى بدخول ولاد حسنى مبارك ...
مرتضى منصور وفريد الديب والأشكال دى زبالة معدتش ينفع تفضل موجودة بعد الثورة

Humman being يقول...

مؤنس فرحان..
فعلا "يمهل ولا يهمل" ...محدش عاد يفكر انه ممكن يعمل حاجة غلط وميتحاسبش عليهم ان آجلا أو عاجلا ... خلاص العهد ده ولى وانتهى

شرفتنى بالزيارة

Humman being يقول...

أخبار مصر لحظة بلحظة...

شكرا لمرورك الكريم
تحياتى