اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

السبت، 6 فبراير 2010

انســــانيـــــــات

آمنت مؤخرا ايمانـــا قطعيا أن تحول أى علاقة انسانية من اطارها السطحى العادى العابر ....الى علاقة صداقة.....أو فلنقل علاقة انسانية عميقة...هى أولى الخطوات السريعة لانهاء هذه العلاقة......


فدائما عندما نقف على مسافة بعيدة ...أو فلنقل مسافة منطقية كافية مدروسة ومعقولة ومحسوبة من أى شخص ...فاننا نراه ...عذب الحديث...جميل الصفات ...حلو الأخلاق.... رائع المبادىء..... عظيم القيم.....تصور لنا خبرتنا الضئيلة عنه أنه انسان بكل ما تحمله الكلمة من معانى... أو بمعنى آخر....كم المعطيات المتاحة أمامنا والظاهرة ظهور العيان ....توحى لنا بذلك...


فنجد أنفسنا سعيدة بالاقتراب والتعرف على عالم هذا الشخص المختلف ...ربما بدافع الفضول....أو الاحتياج لوجود من يسمع... ويفسر... ويقترح... وينصح... ويجيب.... احتياجات بشرية انسانية بحتة...أو....ربما تملى علينا الظروف ضرورة التعامل مع هذا الشخص بحكم الدراسة أو العمل أو حتى الجيرة...


من يبدأ بالاقتراب واختراق عالم الآخر ....؟؟؟ سؤال ليس بمهم؟؟؟.... لأن هذا الاقتراب يحدث بديناميكية بشرية انسانية بحتة يكون الدافع الأول فيها هو الظروف المحيطة.....

المهم.... هو حدوث الحدث الأكبر والخطأ الشائع ...ألا وهو ...(الاقــتــــراب العمـــيق).... فتحدث الفاجعة التى لا مفر من مواجهتها.......تقع الأقنعة...تذوب المبادىء...تهرب القيم....تتلاشى الأخلاق...... ونبدأ نحن تلقائيا فى خلع نظارة "الاقناع المضللة" التى أصررنا على ارتدائها لفترات طويلة ....فنصطدم بواقع.....وربما يصطدم هو الآخر بواقع مغاير تماما لما نسجه وحاكه باتقان خيالنا ...!!!!!


أشعر أن هذا الواقع الأليم بات هو "الحقيقة" التى لا مفر منها...... ولكنها مؤلمة ....كوننا لا نجد من نصادق ونقترب ونغوص فى أعماقه.... ونذوب فى تفاصيله ....ويعيش معنا هو الآخر نفس المشاعر..... كوننا لا نجد شخص بدايته الانسانية الأولى تتساوى نوعا ما مع نهايته فى أى علاقة بشرية عادية متبادلة....... فهذا فى حد ذاته منتهى الشعور بالخوف...منتهى الشعور بالألم منتهى الشعور ب اللا أمان ان صح التعبير....أن يتحول العالم لصحراء بهذه الطريقة....فالأحرى أن ينتهى هذا العالم.....

أدعو نفسى....ونفسى وفقط.....أن تصمد وتستمر فى التمسك بمبدأ السطحية المطلقة فى كل تعاملاتها... وتنسى تماما كلمة "عمـــــق"....حتى لا أصدم.....

هناك 26 تعليقًا:

Ahmed Fayez يقول...




أولاً: إيه الكلام الكبير ده!
زي ما اكون بقرأ في كتاب علم نفس و لا واحد من كتابنا الكبار بيتفلسف في كتاب.
الأسلوب جميل و قوي و عجبني جداً.

ثانياً: الموضوع مهم و شيق و عميق فعلاً.

ثالثاً: أنا عندي تحفّظ أو خلينا نسميه تعليق و خلاص.
العلاقات دايماً بتبدأ سطحية، و ممكن بعد كدة تبقى أعمق أو تفضل سطحية.
سبب وجود خلاف في أي علاقة ملوش دعوة بكونها سطحية أو عميقة. تأثير الخلاف بقى هو اللي بيختلف.
الناس بطبعهم مختلفين، و خلافاتنا مع الأشخاص اللي بتربطنا معاهم علاقات سطحية بتكون أخف من الخلافات اللي بتربطنا معاهم علاقات قوية.
بالظبط زي ما نتخانق مع حد مانعرفوش في الشارع أو نتخانق مع صديق أو قريب، بيكون فيه اختلاف في المشاعر، لكن السبب في وجود الخلاف أو المشاكل مش كون الشخص ده قريب أو بعيد.

مهم إننا نغوص في أعماق من نعرفهم و نتعمق في معرفتهم و ما نقتصرش العلاقة على المعرفة السطحية. و لازم التعمق ده يكون محسوب و بهدوء و رفق، لأن من العادي إننا نصطدم بحواجز نفسية في كل شخص.
كل شخص هو تركيبة فريدة من نوعها، كل شخص هو حالة خاصة، كل شخص هو عالم منفرد. كل شخص بيحيط نفسه بهالة من الشخصية المركبة المعقدة، لأننا بشر، احنا مش بالبساطة دي. طبيعي إننا كل ما نتعمق في معرفة شخص نكتشف حاجات جديدة، زي ما نحفر في الأرض، هنلاقي كل ما نتعمق حاجات جديدة، المشكلة إن الشخص يكون واحد من سطحه لعمقه، ده شخص ما تتطورش تركيبه الإنساني.

أنا أتفق معاكي إن العلاقات السطحية أقل إيلاماً، و إن المسافات بتخلق أحياناً حالة من الأمان، و إن الجرح أو الإساءة من القريب بيكون ليها تأثير سئ جداً علينا، لكن لا مفر من الاقتراب، لو كان الإنسان يقدر يعيش لوحده بعيد عن الناس كان الجنس البشري انقرض من زمان.


أنا طوّلت قوي، اعذريني.


الطيــر العاشـق يقول...

مشمشة يا قمرة
طبعا عندك حق وأكيد محدش فينا بيعرف حد من مجرد معرفه سطحية وان كانت ع المعرفه العميقة فهيا يا إما بتكون لوفاااق أو فراااااق

ويارب أبدا مايكون الفراق انا وانتي يعني هههههههههههههه تسلمي علي كلامك يا قمر

كل التقدير والاحترام

إيمان يقول...

فعلا اوقات الخيال بياخدنا ونخيل اشخاص مثاليه لدرجه اننا لما نعرفهم ممكن ننصدم فيهم
والحقيقه احيانا بتبقى عكس الواقع
كلامك حقيقه
تحياتى

Tears يقول...

مش عارفه بس شامة ريحة يأس او تجربة فاشلة...يعنى الكلام ده نابع من موقف محدد

شوفى اللى بتقوليه كويس لكن مش كل الناس وحشة و اكيد فيه صداقة بجد بس المهم نلاقى الصديق الصح زى الحب بالضبط فيه حب لكن صعب تلاقى الحب الحقيقى

اصبرى و تأنى

مهموهة أحمد يقول...

اول كرسي بسررررررررررررررعة

مهموهة أحمد يقول...

شوشو يا قمر واحشاني خالص و الله و معلش انا ما بقعدش على النت خميس و جمعة بس انتي كتبتي حاجات كتير اوي و انا في الطراوة

المهم كلماتك و موضوعك رائع وواقعي اوي يا شوشو

بس عايزة اقولك حاجة الانسان الوحيد اللي لازم ما تعيشيش معاه بسطحية هو شريك حياتك
فاوعي تعيشي حياتك كلها سطحية
و صدقني و الله فيه ناس بجد تستاهل تعيشي معاها بعمق
لكن قليلين اوي
فخلي بالك يا حبيبتي
واحشاني موت يا بنتي و الله

مع خالص تحياتي و تقديري

Humman being يقول...

winner...
لأ مطولتش ولا حاجة أنا بحب تحليلك للأمور

بس زى ما انت قولت ..."لازم التعمق ده يكون محسوب وبهدوء" ...مش أى حد هنقرب منه ومش أى حد هنسمحله يقتحم حياتنا...لازم نحط حدود معينة أو خطوط حمراء حتى لا يتخطاها أى شخص

Humman being يقول...

الطير العاشق....فرفورة حبيبتى
يارب ما يكون الفراق أبدا أنا وانتى يا قمر
ههههه
ميرسى يا حبيبتى على ذوقك...ومنورانى دايما

Humman being يقول...

ايمى....
بس الصدمة بتبقى قوية واحنا معدناش متحملين حاجة
خالص تحياتى وحبى

Humman being يقول...

Tears
والله هيا تجارب كتيرة يا tears مش تجربة واحدة...الواحد بيدخل بقلب جامد وبحب واحترام...وبيتصطدم بواقع أليم.... أنا كمان مش كاملة ولا عظيمة ولا حاجة ..أكيد كلى عيوب... بس عفوية جدا وعايشة فى عالم مثالى متخلف ...وكل مرة آخد على دماغى...وأول ما ابتدى أفوق ألاقى ضربة تانية توقعنى تانى

المشكلة اللى بتوجعنى أوى ان الناس اللى بتعمل كدة أصحاب شعارات رنانة أوى...وممكن تتكلم معايا...وتدور وشها وتتكلم عليا...وبعدين يجروا يلحقوا يتوضوا علشان يلحقوا يصلوا العصر ....هيا دى الحاجة اللى بتوجعنى...الازدواجية دى

حصان المرجيحة يقول...

هو ده الكلام بجد
بس بقي انا عندي ملحوظة صغطوطة
ان مايكونش في علاقة بين الولد و البنت حتي و لو كانت سطحية جدا
شكرا ليكي
تقبلي مروري

Humman being يقول...

مهموهة حبيبة قلبى....ان شالله يكون آخر كرسى ومحطوط على السلم وأحمد هوه اللى سانده برجله هيبقى أحلى كرسى برده...

دى هتبقى الحاجة اللى مش هتوجعنى ...لأ يا مها..دى هتكسرنى...كون اللى هرتبط بيه يطلع زى بعض النماذج اللى بتعامل معاها(بعض مش كل) هتبقى دى الكارثة
بس أكيد ربنا عالم بنيتى وعارف انى مش هتحمل كدة وبرحمته هيبعتلى الانسان المناسب ليا...مش مهم امتى ..المهم يطلع انسان
ميرسى يا حبيبتى وبجد وحشتينى

Humman being يقول...

حصان المرجيحة...
أنا بتكلم عن العلاقات الانسانية عموما فى حياتنا فى عائلاتنا وشغلنا والجامعة والجيران ...وأكيد بتختلف من مكان لمكان ومن شخص لشخص
شكرا على مرورك

لــــ زهــــــراء ــــولا يقول...

شيماء
-*-*-*

تقريبا اول مره اشوف حد بيتكلم بفلسفه ممزوجه بالحزن والشجن والاسى
انتى عارفه زمان كمان فى احد الحكماء قال لو عاوز تعرف شخص اعرفه من خلال اصدقائه
طبعا لكل قاعده شواذ
بس الصداقه اجمل حاجه فى الدنيا لان الصديقى الحقيقى اصبح عمله نادره فى هذه الايام
اتمنى لكى السعاده الدائمه

sabry abo-omar يقول...

أنا مؤمن دايما بالمسافات بين البشر ودايما لما بأطمع أقرب أكتر بأخسر العلاقة والكلام ده على كل العلاقات كلها والله وان أختلفت المسافات طبعا بس أكيد لايمكن الغاء تلك المسافات وتصبح صفر مهما كنا بنحب

أميرة الأحلام يقول...

شوشو حبيبه قلبي
موضوعك ده جميل قوي
عندك حق فعلا بس صدقينى مش كل الناس بننخدع فيهم ومش كل الناس ينفع نتعامل معاهم بسطحيه يمكن طبيعتنا الطيبه زياده عن اللزوم هى الي بتخلينا نتصدم في الناس الي بنتعامل معاها بس اكيد مش كلهم
والحذر مطلوب في التعامل الاول علشان ماتحصلش الصدمه دى
ربنا يكرمك يارب ويوفقك يا قمر

Humman being يقول...

لولا وزهراء

الصداقة فعلا أحلى حاجة بس زى ما قلتى لازم ندقق ونختار صح وفعلا لكل قاعدة شواذ.
ميرسى على ذوقك ونورتينى

Humman being يقول...

abo omar almasry...أيوة هوه ده اللى أنا مؤمنة بيه ...يبقى فيه مسافة بس معقولة لا قريبة أوى ولا صفر ...معقولة
شكرا على مرورك
خاص تحياتى

Humman being يقول...

مرمورة حبيبتى...
منــــورااااااانى كالعادة
"الحــــذر" زى ما قولتى مطلوب جدا ...والمسافة لازم تبقى مدروسة ... أكيد مش بينطبق الكلام ده على كل الناس...
ولا يمكن احنا اللى عايشين برده فى نفس العالم المثالى الغلط

ميرسى يا حبيبتى ويارب نسمع عنك كل خير

فاتيما يقول...

ازيك يا شيما

حلو البوست قوى

و لمس وتر فى قلبى و عقلى

لأنى بمر بالحالة دى الأيام دى

سواء مع الآخرين

اوا انا شخصياً

احيانا بحس ان بعض الناس بتنبهر بيا من بعيد و لما تقرب يتبدد الإنبهار دا و ينصدموا


المفروض حكاية العمق و السطحية دى نشوفها بشكل تانى

يعنى كل شىء ف الدنيا محتاج وقت

عشان نعرف كنهه و قيمته

و لا ندى فرص للناس و الأشياء

يا يطلعوا قدر توسمنا فيهم
فنقرب اكتر

يا يطلعوا اقل من املنا فيهم
فنبعد و خلاص

توزان

الحكاية عاوزة توزان نوعا ما

خالص ودى ليكى
يا شيما

Humman being يقول...

عزيزتى أم يوسف...
نورتى المدونة والدنيا كلها
شوفى..مش كل الناس هتفهم شخصيتنا وهتفهمنا صح...كل واحد بيحكم على اللى قدامه من وجهة نظره اللى ساعات كتيرة زى ما بتقولى بتبقى متسرعة أوى

وبعدين انتى شخصية "عاقلة" وفى نفس الوقت طيبة بس طيبة بذكاء...أنا قريت البلوج بتاعك كله وحسيت ده...ودى مش مجاملة...فكون حد يفسر شخصيتك من وجهة نظره أو زى ما هوه عايزها تكون ..هوه حر ..أكيد مش هترضى الكل

فعلا لازم ندى فرصة لكل واحد... ياخد وقته علشان يفكر ويحكم بالقرب أوى أو التعامل بسطحية من غير ما يزعل حد فى الحالتين
خالص تقديرى واحترامى

هي وظروفها يقول...

اولا ازيك يا شيماء وانافاكر كويس اني علقت علي الموضوع ده

بس ببص ملقتش تعليق المهم

انا من وجهه نظري اللي اصلا ملهاش تمن

يا شيماء الانبهار الغير محدد

بيكون غلطه اللي انبهر

لانه محطش في دماغه انه يحجم انبهاره ويتوقع ادميه الشخص اللي انبهر بيه

وكونه يطلع غير جدير بكونه كان حاجه كبيره وطلع عادي واقل من االعادي

فده ميمنعش ان في ناس تانيه لما تقربي منهم

تلاقي نفسك بتقولي هما كانو فين من زمان
انا ازاي مشفتهمش

لان اغلب اللي بيشدوا اهتمام الواحد بتجربه حياتيه ليا

طلعوا ولا ليهم عازه ومناظر وفقط
بس في ناس تانيه معندهاش حته الكاريزما او الابهار ولكن لما بنقرب منهم بنلاقيهم بني ادمين بجد مش اونطه
بس احنا اللي مكنش عندنا بعض نظر ولاخبره تخلينا نشوفهم صح

لو اتعاملنا مع الناس بمبدأ اننا نفضل بعيد هنخسر ولو قربنا زياده عن اللزوم برده هنخسر

نخلينا علي الحياد اسلم حل

Enbee يقول...

عزيزتي

إذا عرفنا من البداية أننا نتعامل مع بشر مثلنا تماما .. صورة منا ولكنها مختلفة عنا شكلا وبألوان وأحجام ونسب ضوئية وأماكن مختلفة .. فسوف نرتاح كثيرا

إذا تعاملنا مع الناس من البداية ونحن لا نطمع سوى في الاستمتاع بمميزاتهم البشرية عند التعرف عليها وتلافي أو القدرة على التعامل مع عيوبهم البشرية عندما تطفو على السطح.. فسوف نرتاح كثيراً

لا تتوقعي الكثير من الناس - فهم في نفس ضعفك -- مهما أظهروا من قوة وجمال وثقة.. فهم حين يخلعون ملابسهم أو يذهبون إلى النوم - فالكل سواء !

وفي النهاية - كل إنسان هو صندوق مغلق على كومة من الأشياء .. منها الجميل ومنها القبيح القديم .. مهما أظهروا عكس ذلك

تحياتي العطرة

Humman being يقول...

وليد الدوغرى المحترم جدا جدا
استحالة ...استحالة تعلق عندى ومنشرش التعليق بتاعك عارف ليه؟؟ لأن انت أولا انسان ...ثانيا محترم...ثالثا أخ..أنا مشفتكش صحيح بش عارفة انك انسان جدع وراجل جدا...صافى يا لبن؟؟!!!

ثانيا وجهة نظرك مهمة جدا وكلنا بنحترمها ومتقولش كدة تانى

ثالثا ...كلامك صح فى موضوع الانبهار وعدم الانبهار ببعض الأشخاص ...أنا بس بحاول أطبق الجملة الأخيرة اللى انت قولتها "نخلينا على الحياد" أحسن"...وسط يعنى لا نقرب أوى ...ولا نبعد أوى
شكرا يا عم الناس كلها على التعليق ولو مفتحتش ولقيتك بعد كدة أول كرسى هقول لسارة
ملحوظة: أنا عملت اشراف على التعليقات عشان فى انسان غير محترم بيعلق تعليقات زيه برده مش محترمة

Humman being يقول...

barracuda
ميرسى على مرورك حضرتك
والله أنا بحاول فعلا أعمل ده..وعارفة اننا فى الآخر بشر وكلنا عيوب وأناأول حد مليان عيوب بس بحاول نوعا ما أبقى على الحياد ..أو يعنى وسط مقربش أوى أوى ولا أبعد جدا جدا

ميرسى جدا على مرور حضرتك
خالص تقديرى

Humman being يقول...

الى الأستاذ mmmwahab
مش عارفة والله انت شاغل نفسك بأى بوست أنا بكتبه ليه...مش عاجبك الكلام اللى بقوله والصور اللى حطاها ومش عاجبك أفكارى واللى انت أكيد شايفها غبية ....طب بتدخل عندى ليه؟؟؟

أنا مش بجبر حد يدخل يعلق عندى وخصوصا سيادتك
انت كدة أخدت وقت كبيييير قوى والموضوع ما يستاهلش أساسا
أوعدك دى آخر مرة أعلق على أى حاجة تكتبها عندى وبرده مش هنشرها..