اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الأربعاء، 17 فبراير 2010

صارت عندك دولة

قرأت منذ يومين الخبر الآتى على موقع مصراوى:

"مصراوي - خاص- أكدت مصادر حقوقية ان السبب وراء الاطاحة بالدكتور أحمد كمال ابو المجد من منصبة كنائب لرئيس المجلس القومي لحقوق الانسان هو عقابه على تقارير المجلس الأخيرة التي هاجمت الحكومة بشدة واتهمتها بانتهاك حقوق الانسان وتصريحاته الاعلامية العنيفة.



وفي الوقت نفسه تم تعيين المستشار مقبل شاكر بديلاً لأبو المجد بسبب مواقفه ضد مجلس ادارة نادي القضاة السابق برئاسة المستشار زكريا عبدالعزيز.


وأشارت المصادر ان التعديلات الاخيرة علي المجلس اطاحت بأغلب القيادات الحقوقية من عضويته واستبدلته بعدد من رجال القضاء ومسئولين سابقين لوزارة العدل واخرون ليس لهم خبرة في المجال الحقوقي.


وتمت الاطاحة بالاصوات المعارضة وابرزها نقيب الصحفيين السابق جلال عارف ونقيب المحاميين الاسبق سامح عاشور وهي علامات اعتبر البعض أنها تنذر بالتشاؤم وتؤكد حرص الحكومة على احكام قبضتها على المجلس خلال الفترة المقبلة والتي ستشهد أحداثا سياسية هامة ابرزها انتخابات مجلسي الشعب والشورى والانتخابات الرئاسية.


(ليه كدة يا ناس...ليه...مفيش فايدة....يعنى نقعد نتباهى بالديمقراطية ونتشدق بالحرية..و...و ..وفى الآخر نجهز كل حاجة عشان برده تبقى انتخابات على مزاج صاحبها....
لازم يبقوا القائمين على كل المواقع الحساسة "صم.....بكم.... عمى" لحد امتى؟؟لحد امتى هتكتموا كل صوت " بيتكلم" ؟؟!!..كفاية كدة....بقالنا ثلاثين أو اتنين وتلاتين سنة كدة...كفايــــة
كــــفــــــــــــــــــــــــــــــــــــــــــــــــــــــــــــــــــــــــــــــاااااااااااااااااااااااااااية.... هنفوق امتى؟؟ كل ما نطلع خطوة واحدة لقدام ترجعونا مليون ورا ....ليه؟!!

وليد الدوغرى "هى وظروفها" ....بتهيألى "نزيهة" اللى كنت بتدور عليها ..كدة تبقى ماتت مقتولة ...مش كدة ولا ايه؟؟؟!!!

حقيقى معنديش أى كلام أقوله...

أعتقد أن الشاعر ؟أحمد مطر" أبلغ من عبر عن ما نحن فيه الآن :

أحضر سلة
ضع فيها أربع "تسعات"
ضع صحفا منحلة
ضع مزياعا
ضع بوقا...ضع طبلة
ضع شمعا أحمر
ضع حبلا
ضع سكينا
ضع قفلا...وتذكر قفله
ضع كلبا يعقر بالجملة
يسبق ظله..يلمح حتى اللا أشياء
ويسمع ضحك النملة
واخلط هذا كله
وتأكد من غلق السلة
ثم اسحب كرسيا واقعد
فلقد صارت عندك دولة!!!!!


هناك 19 تعليقًا:

Tears يقول...

ديمقراطية ايه يا بنتى...صلى على النبى و اشربى كوباية ميه و اهدى كده

انتى صدقتى؟هو اى حد يقول كلام قدامك تصدقيه؟

كمال ابو المجد لقى نفسه كبر و حب يختم حياته محترم فطلع فى برامج عدة و قال كلمة حق فالحكومة حست انه مش بيلعب معاها و قالت تشوف غيره و المنافقين كتير ده احنا أمه نافقت حتى نفقت كما تنفق الحمير
!

الطيــر العاشـق يقول...

مشمشة

بعد ماتحرق دم أهلي في الأول علي الناس اللي بتكره الطريق الصح وتدمرة من غير تردد وتحط بذرة شر في مكان

الله يحرقهم والله
بس في الآخر ضحكت من الكلام الساخر والرائع لحقنا ماهو في الأخر صحيح كل اللي بنحتاجه ايه هوه كرسي نقعد عليه

تسلمي يا قمر ويارب يرجع لنا مصرنا علي ايد واحد ابن حلال يقدرها صح

Ahmed Fayez يقول...

عظيمة يا مصر

إيمان يقول...

عندك حق والله ياشوشو
عايزين ناس قراطيس
علشان يعرفوا ينهبوا ويهيصوا
وقال ديمقراطيه قال
وبعدين نزيهه مش اتقتلت دى انتحرت من الخيبه واليأس اللى شافته وبتسمعه
حاجه اى كلام وماشيناهم على مزاجهم كله بتاع مصلحته
تحياتى لموضوعاتك الجميله بجد
مع خالص حبى وحبى

sal يقول...

احييك
احمد مطر دا اكثر من رائع
كل حاجة بتتغيييييير
بس عايزة عطاء متواصل
واكيد حنبقى احسن

sabry abo-omar يقول...

عجبنى فيكى إنك لسة بتسألى وكأنك مستغربة..الوضع أصبح عادى جدا وأى شئ أخر هو الأستثناء.. أدعى الصغير يكبر والغبى يفهم والمسكين يبقى ابن ذوات

مهموهة أحمد يقول...

الله يا شوشو جبتي حتة خاطرة بجد
ابلغ من اي كلام
فعلا و الله اختيارك ده في محله
انا قراتها تلات اربع مرات بجد من روعتها
و فعلا للاسف هي دي الحقيقة و الواقع اللي عايشينه

تسلميلي يا شوشو يا جميلة يا رقيقة يا رب

و معلش مكتوبلنا نعيش في دولة صماء عمياء بكماء
و ثوابنا على الله
شكلنا مش هنعيش عيشة كريمة ابدا الا في الجنة و بس
اهي احسن من الارض
خليهم يشبعوا هم بالعز اللي على الارض و في الدنيا ما هي كده كده فانية و لا بتدوم

و لينا احنا الجنة يا رب على الاقل دايمة ان شاء الله

تقبلي كل حبي يا غالية على قلبي
و ياريت تطمنيني عليكي لانك بجد واحشاني

Humman being يقول...

tears..
وبعدين....بعد ما نهدا ونشرب المية يا tears ايه اللى هيحصل؟؟؟!!

حتى لو كمال أبو المجد كان فى بداية حياته منافق وبعد كدة اتغير ميهمش أهى بداية ...ما احنا زى الغريق اللى بيتعلق بأى حاجة تنقذه

Humman being يقول...

فرفورتى الغالية...
يارب يا فرفورة يرجع ولو جزء ضئيل ...وشوية شوية ييجى الباقى
مش عارفة اذاى بس نفسى
مش شعارات والله ...وربنا يعلم.... بس نفسى ....احنا كويسين أوى وفينا ناس محترمة جدا جدا ...وعقول تستاهل ...بس أرجع وأقول احنا برده اللى عملنا فى نفسنا كدة

ميرسى على مرورك يا قمر

Humman being يقول...

winner
شكرا على المرور

Humman being يقول...

emmymony

ميمو...أخبارك ايه؟
ما تيجى نحاول نشوف "أى نزيهة" تانية والنبى فى أى حتة ان شاء لو لقينا "نز" نبقى ندور على "يهة" فى مكان تانى

ميرسى يا حبيبتى على ذوقك
وشكرا جزيلا على مرورك

Humman being يقول...

sal...
ميرسى جدا جدا على ال 3 رسائل تعليقات اللى حضرتك بعتهم ...اللى للأسف طار منهم اتنين مش عارفة اذاى.... أنا شلت الاشراف على التعليقات للأنى بصراحة مش professional أوى فى المجال ده

أعتقد ان بحضرتك وبناس تانية كتييير محترمة هنقدر نعمل حاجة
شكرا على مرورك
خالص تقديرى

Humman being يقول...

sabry abo omar

لأ والله يا فندم أنا مش مستغربة...هوه سؤال فيه تمنى أكتر منه استفهام.

نفسى منبقاش كدة...نفسى أوى أوى نتغير ..مش شعارات والله ولا حاجة...احنا عندنا حاجات كويسة ...وعقول محترمة...وثروات ..و..و... وعندنا حالة من التدين والتأسلم لو اتوزع على العالم هيفيض
نفسى نطبق الدين ده صح ....مينفعش أبدا "أفتح الدرج عشان آخد الرشوة" وبعدين أجرى ألحق صلاة العصر ...مينفعش

نفسى احنا نبتدى ...لو ابتدينا هنقضى على كل الناس دى...احنا 80 مليون
شكرا عل مرور حضرتك
خالص تقديرى

Humman being يقول...

مهموهة حبيبة قلبى...
يارب يخليكى...انتى كمان وحشانى أوى والله...مش عارفة...أنا بقعد على النت فى الأوقات اللى انتى بتبقى فيها مشغولة...بس والله نفسى أكلمك يا حبيبتى

يارب يا مها نشوف أى تغيير فى أى حاجة ...بأى طريقة...يارب

ميرسى يا حبيبة قلبى ..وسلالالالالالالام كبييييييير لأحمد وكل سنة وانتوا الاتنين مع بعض فى حب يارب دايما
خالص حبى يا قمر

أميرة الأحلام يقول...

شوشو حبيبتى
ماتستغربيش من اى حاجه ممكن تحصل عندنا ياحبيبتى
كل ده عادى والاسوء منه كمان
وبعدين ديموقراطيه ايه
احنا لو عندنا ديموقراطيه تفتكري ده كان بقى حالنا الديموقراطيه عندنا الله يرحمها
وحلو اوى شعر احمد مطر بجد عبر فعلا على الي احنا فيه
ربنا يكرمك يارب ويوفقك ياحبيبتى
ونعيش لليوم الي نشوف فيه بلدنا بتتمتع بقدر ولو بسيط من الديموقراطيه

Humman being يقول...

مرمورة الأحلام...
يارب تكونى بخير..

أنا عارفة ان مفيش ديمقراطية...بس نفسى يكون فيه أو احنا نحاول... ولا يمكن أنا لسة عايشة فى المدينة الفاضلة والعالم المثالى الأهبل بتاعى؟؟ .... ممكن

لأ... بس برده والله نقدر..واحناعددنا أكبر ... وهنقدر نغير ونعمل حاجة... بس نبتدى بس....

والله يا جماعة ما هياش شعارات

بشوف ناس بتستمتع بشغلهااللى كل العالم بيقدره وبلدنا بس هيه اللى بتكتم نفسهم...وبشوف فى عينيهم اصرار على النجاح ...ياريت نبقى كلنا كدة... ياريت

ميرسى يا مرمورة يا حبيبتى على تشريفك...ودمتى فى أحسن صحة وحال
خالص حبىىىىىىىىىى

حصان المرجيحة يقول...

الخوف اان نفوق و احنا واقفين قدام قطر
و يبقي فات الاوان
شكرا ليكي

Humman being يقول...

حصان المرجيحة..

ياريت نفوق قبل اللحظة دى...ناس كتير هتقولى فوق انتى والنبى وبطلى هبل...بس برده هفضل أقول لو فضلنا متشائمين كدة مش هنوصل لحاجة..

شكرا يا فندم على تشريفك

فاروق سحير ( فاروق بن النيل ) يقول...

افاروق بن النيل .....
الشجرة التى ليس لها جذور حتما ستطي بها الرياح فى أول عاصفة ومهما طال الليل فالفجر آت ومهما طال الظلم فالجبار موجود أنظرى إلى الظلمة من زمان وليس هناك مجال لذكرهم وسأقول فقط فرعون الذى تجبر حتى إدعى الألوهية أين هو الآن ؟ موجود فى المتح المصرى بالتحرير إذهبى وشاهديه حتى تعرفى نهاية كل ظالم مفترى .farouksam.blogspot.com