اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

السبت، 20 فبراير 2010

حـــاوى

هو رجل قلما تقابل مثله ...ليس لسمو أخلاقه... ودماسة طباعه...لكن..لأنك عندما تلقاه للوهلة الأولى يختلج بداخلك شعور غريب ..لا هو ارتياح ..ولا انقباض ...فهو يحتاج بعض الوقت لادراك ماهيته.. ولكن ليس وقت بالطويل... فالقليل من الذكاء مع قدر من الانصات المركز والمكثف والدقيق معه يجعلك تدرك أنك أمام شخصية ...!!!! لا أستطيع أن أجد الوصف الذى يوفيها حقها ....لكن....كل ما تشعر به بعد لقاء هذا الانسان... احســـاس بالقنوط... يصحبه تمنى ودعاء تتستجير فيه بالله داعيا اياه ألا تقابل تلك الشخصية أو مثلها ما حييت .


شخصية لا تعرف للوضوح طريق .....تجيد المراوغة والكذب والتلون على جميع الأصعدة... كيفما تمليه عليها طبيعة البشر والمكان الذى تتواجد فيه ..فهو شخص يجيد وبطلاقة فن الحديث... مصحوبا ببراعة الالقاء ...لا... لا الحديث... بل الثرثرة ...ثرثرة بلا بداية ذات معنى... أو نهاية تؤدى الى نتيجة منطقية...ثرثرة تؤدى فقط الى "توهان" ان صح التعبير....فما أن تبدأ معه "حوار" يتخلله مثلا "سؤال" ربما يورطه فى "اجابة" تحتاج الى "صراحة" "ووضوح" و"مباشرة" .....حتى تجد نفسك وقد دخلت فى عالم آخر يختلف كليا وجزئيا عن "سؤالك" الذى استهللت به الحديث معه.... فتقضى أكثر من ساعة وأنت "تـــائـــــه" فى حوار طويل عقيم لا تتذكر كيف تم اقتيادك الى هذه المغارة المسحورة وجعل عقلك يتشتت فى هذا الاتجاه المغاير تماما عما كنت تسأل..


ثم تفيق فجأة فتجد نفسك تسأل هذا الشخص...؟ "أنا كنت بسألك على حاجة.... مش فاكر كانت ايه"؟

محترف للكذب ... يعرف جيدا كيف يخيط سيناريو قصة منمقة مليئة بالتفاصيل الجذابة المقنعة... مقنعة لدرجة التعاطف والبكاء...ولكنه أحيانا ما يخطىء عندما تتكرر نفس القصة فيبدأ فى سرد سيناريو "جديد" متناسيا حبكة السيناريو الأول...فيكتشف الآخر أنه اقتيد لمغارة "على بابا" وليس لقصة انسانية...

لكن ...المهم بعد نهاية كل حبكة درامية... أن تنبهر... وتعترف وتقر بدهائه وحكمته المطلقة.. ذات النسخة الوحيدة والفريدة... التى لم ولن تتكرر ما حييت...!!!

 موهوب وبارع فى فن " التقليل من الآخر" ... مبتكر ...فنـــان.....يعرف جيدا كيف يزلزل أساس أى انسان...ويقوده الى الانهيار.... فيفقد بسهولة الثقة  بنفسه ..... ويعترف بكامل ارادته أنه غبى .....مسلوب الارادة.... ضعيف الشخصية... ضرير السريرة..... لا يجيد الا الاعتماد على ذكاءه هو  المطلق .... وحرفيته الجبارة فى التعامل مع كل..كل.. أنواع البشر.... 

الغريب....بل المؤلم... أنه ارتبط بانسانة -"نوع منقرض من البشر"-....لا أجد الكلمات الحق التى تستحقها....قمة الطيبة ...منتهى الصدق....منتهى الايمان .... منتهى البراءة... منتهى النقاء ...منتهى العفوية...... لا ...لن أوفيها حقها مهما حاولت....!!!!

هنا أتوقف.... وأتساءل عن قول الله تعالى "الطيبون للطيبات"..... كيف!!!! كيف يكون "الطيبون للطيبات".... وترتبط انسانة مثلها "بـــ  حــــــاوى " مثله !!!!!!!!!!!!!!!!!!!!!!!!!!!!!
من المؤكد أن للآية الكريمة تفسير آخر يختلف عن معناها الضيق الذى نتصوره

أدعـــــو الله عز وجل أن "يؤجرهـــــــا فى مصيبتها...ويخلفها خيرا منها"   

هناك 24 تعليقًا:

الطيــر العاشـق يقول...

حبيبة قلبي مشمشة

كلامك عن الشخصيه دي فعلا مش يحسها غير شخص عرفها أو قابلها أو فعلا احتك بمعرفته... ويارب يبعدنا عنهم

بس سامحيني أنا بس ليا تعقيب علي ذكرك للآيه ... ممكن حد يفهمها علي انك بتعقبي علي وجودها بس سبحان الله ان كان ده حصل فده نصيبهم انهم يكونو لبعض والحكمه انها تحاول تعدل من شخصيته أو تنصحه بالرجوع عن طريقته لانها مش صح

ياريت تكوني فهماني ... تسلمي ويارب دايما كل الخير والحب والطيبه يكونو المقابل لطيبتك

Humman being يقول...

فرفورة حبيبتى...
بصى يا ستى...الشخصية دى حقيقية

عايزة أقولك انى معاذ الله انى أعترض على كلام ربنا... أنا بس متأكدة ان تفسير الآية الكريمة أكيد مختلف عن اللى احنا فاهمينه...أكيد ليها تفسير غير كدة

معاذ الله أن أعترض على كلام ربنا... اعتراضى على الشخص
ميرسى لمرورك يا قمر

دمتى بخير

أميرة الأحلام يقول...

شوشو حبيبه قلبي ..
شكلك بتتكلمى عن شخصيه حقيقيه
بس الشخصيات الي من النوع ده بتكون موجوده كتير الايام دى
ربنا يحفظنا منهم لاننا بطيبتنا اكيد بنتخدع فيهم اوى وبنكون راسمين لهم صوره تانيه مختلفه عن الواقع
اما ياشوشو ارتباطه بالانسانه دى ممكن ما يكملش لان زى ماقولتى "الطيبون للطيبات "وده فعلا الي بيحصل مافيش اتنين على النقيض تماما كده ممكن يكملوا مع بعض
ويمكن تكون هى السبب في انه يتحول لشخصيه كويسسه
ربا يهدى الجميع يارب
ويوفقك ياقلبي يارب ويبعد عنك كل حاجه وحشه

الطيــر العاشـق يقول...

حبيبتي والله أنا فهماكي كويس وعلشان كد\ه أنا بقولك ان ممكن حد تاني يفهمها غلط
سامحيني لو كنت أخطأت في التعبير
تسلمي يارب

Tears يقول...

الطيبون للطيبات عندما يحسن كل طرف اختيار الاخر مش بالحظ و لا صدفة لان ربنا اعطانا عقل و منطق و أمرنا باعمال العقل

وصفك لشخصية هذا الرجل تصلح كوصف لكثير من السياسين خاصة بتوع الحزن الوطني

Ahmed Fayez يقول...

الأشخاص من النوعية دي موجودين في الزمن ده بكثرة.

لكن خليني أوجه معظم تعليقي لجزئية "الطيبون للطيبات".
ماحبتش السؤال: "كيف يكون ..."
من وجهة نظري سؤال لا يليق طرحه على كلام الله حتى و لو كان للاستفسار. ماعرفش حكم سؤاله لكن أنا شخصياً ماحبش أسأل الأسئلة من النوع ده.

أتفق معاكي إن فهمنا احنا اللي قاصر في تفسير الكثير من كلام الله و حِكمه.

ملحوظة أخيرة: الكلام كله في اتجاه إن الشخص ده سئ و إن المرأة اللي ارتبط بيها كويسة. الله أعلم بعباده. الله يقضي بالنوايا و السرائر و ليس المظاهر. حكمنا يحتمل إنه يكون مغلوط. ممكن تكون هي كمان شخصية سئية لكن ده مظهرش لينا. أو يمكن يكون هو شخص كويس لكننا فهمناه غلط.

موضوع جيد و طرح جيد.

حلم السنين يقول...

انا ع فكره اول مره ادخل المدونه بس بجد بجد حلو قوى كلامك. انا هعلق على نقطة فقدان الثقه فى النفس انتى فعلا عندك حق ان ممكن حد يفقد الثقه فى نفسه تماما بسبب شخص انانى ومغرور كل همه انه يلغى شخصية اللى قدامه ... ربنا يوقفك

إيمان يقول...

ربنا يبعدك عنهم ياشوشو
عقارب بتخون وتلدع وانت مطمنه لهم
ومعاكى حق بس بيبقى نصيب ومكتوب ف علم الغيب اه ممكن تكون له دلوقتى بس محدش عارف نصيبهم هيكمل معاه ولا لاء وحياتها اللى جايه هتبقى ازاى
ممكن يكون ابتلاء ليها لاختبار صبرها وتحملها وبعد كده تلاقى اللى يسعدها ويريحها
لا يعلم الغيب الا الله
بس الانسان يتعلم يبقى حذر والاخذ بالنصيحه علشان مش يتعب فى حياته اتعودنا نتعامل بطيبه قلب ونتخدع
ومش حكم عام يمكن يتغير وربنا اللى يعلم بالنوايا
او مظاهر فقط وهو انسان كويس وهيكون رحيم باهله والله اعلم
تحياتى وحبى ياقمرايه

مهموهة أحمد يقول...

شوشو يا حبيبتي بجد قلقتيني على الكلام في الموضوع ده لاني حاسة و متاكدة ان الشخصية دي حقيقية
بجد ربنا يبعدك و يبعدنا عن شرور الناس دي
دول ناس محتاجين ناس زيهم بالظبط علشان يرتبطوا بيهم و ساعتها حياتهم تبقى مبنية على مصالح و خبث و عدم حب و كله اونطة في انطة

اما عن البنت اللي ارتبطت بيه
فما تقلقيش يعني الاية قالت الطيبون للطيبات
ده مش معناه ان ده نصيبها
اكيد مش هيكملوا مع بعض الحياة دي
و ساعتها ربنا يعوضها بانسان في صفاتها او يمكن اكتر كمان و ساعتها يبقى ربنا عوضها خير و تدوم حياتهم بسعادة و يبقى الطيبون للطيبات فعلا

مش علشان الواحدة اتجوزت واحد يبقى خلاص حياتها وقفت عليه
ابدا ما حدش عارف الغيب
المهم بدعي ان ربنا يوفقك و يسعدك يا رب

و بجد انتي واحشاني خالص
و تقبلي خالص حبي و تقديري ليكي

Humman being يقول...

مرمورة الأحلام.. اذيك انتى يا حبيبتى يارب تكونى بخير

فعلا الشخصية دى حقيقية... واللى ارتبطت بيه انسانة كلمة محترمة دى قليلة جدا عليها...وفى نفس الوقت متقدرش تسيبه عشان حاجات كتير أولها مجتمع مبيرحمش وبيحكم على كل حاجة من وجهة نظره الشخصية ...
هيا الحقيقة بتحاول تغير منه حاجات كتير على قد ما تقدر..يارب يستجيب
بدعى ربنا انه يتجاوب معاها لأنها بجد انسانة محترمة

يارب ما تقابلى شخصية زى دى أبدا يا مرمورة ويبعتلك اللى يعوض صبرك خير ويكون محترم محترم محترم وانساااااااان يارب

Humman being يقول...

فرفورتى حبيبة قلبى
والله يا حبيبتى أنا فاهماكى ...ومبسوطة جدا من تعليقك ومبسوطة جدا انه جه أول كرسى عشان ألحق أوضح انى مش بعلق حاش لله على الآية القرآنية ...لأ...أنا قصدى أقول ان أكيد تفسيرها مختلف عن اللى احنا متصورينه أو فاكرينه

عايزاكى دايما تعلقى بحرية على أى حاجة بكتبها ...وبنقد ...عشان دايما أعرف ايه الغلط اللى عندى
بحب أسمع آراءكم اللى فى الآخر بتكون وجهة نظر صح
ميرسى يا حبيبتى على تعليقك وأنا بجد والله فاهماكى
وياااااااااااارب ما تقابلى حاوى زى ده أبدا أبدا
خالص حبى يا فرفورة

Humman being يقول...

tears
المشكلة اننا مش دايما بنعرف أو نكتشف حقيقة الشخص الا بعد القرب الشديد ألا وهو الزواج...أيام الخطوبة بنبقى أشخاص مختلفين...بيبقى فيه أقنعة جذابة واقف وراها أشخاص تختلف كليا وجزئيا عما نراه

المشكلة كمان لما تروحى تسألى عن فلان اللى هيتجوزك أو هيتجوز أختك مثلا ...تلاقى كل الناس بتقولك ..يااااه .فلان ...فلان ده آية من الآيات...ده ...ده راجل ومحترم ومؤدب... بالرغم انهم ممكن يكونوا يعرفوا عنه بلاوى بس بيبقى منطقهم هو (ملناش دعوة)

ما هوه اسمه "حزن وطنى ليه" عشان مليان حواه

Humman being يقول...

winner
اللى أنا طرحاه مش سؤال والله يا جماعة ده مش سؤال استفهامى ..أنا وضحت تحتها ان تفسير الآية الكريمة من الضرورى يختلف عما نؤمن نحن به

كمان أنا مقولتش كلامى ده من فراغ لأ...أنا قرأت ده فعلا فى أحد مواقع تفسير القرآن اللى وضح ان تفسير كلمة ا"الطيبون للطيبات " معناها أن الكلام الطيب لا يقال الا على كلام وأشخاص طيبون ينطبق عليهم هذا الكلام الطيب
لا أعرف مدى صحة هذا التفسير ولكنى أميل اليه
ولكن يبقى ايمانى الراسخ فى كلمة واحدة ارتباط فلان بفلانة أو أى حدث آخر أحتار فى تفسيره مرجعه لكلمة (لحكمة يعلمها الله)

كمان بالنسبة للانسانة دى ...دى بأمانة قريبتى..ومش عشان قريبتى أو عشان أنا بنت زيها فأخدت صفها ...لأ..لأ...لأ....الانسانة دى انساااااااااااااااااااااانة بكل ما تحمله الكلمة من معانى أحسن منى أنا كمان بمراحل ....محترمة ونقية ومؤمنة وبتخاف ربنا جدا جدا جدا جدااااااااااااااااااااااا لأبعد الحدود.....شخصية منقرضة

شكرا لمرور حضرتك

Humman being يقول...

حلم السنين
ميرسى يا فندم على ذوقك
والأشخاص الأنانيين المغرورين دول بقوا كتييييير أوى لدرجة تخوف....ربنا يبعدنا عنهم ياااااااارب
شكرا على مرور حضرتك
خالص تقديرى

Humman being يقول...

emmymony
منورة الدنيا يا ميمو
فعلا ممكن يكون ده ابتلاء من الله بيختبر صبرها وأكيد هعوضها خير
ربنا يقدرها وتحاول تغيره...وربنا يهديه ويستجيب للتغيير لأنها والله والله تستاهل كل خير
ربنا يوفقك يا ميمو ....ويبعد عنك أى حاوى يارب
خالص حبى

Humman being يقول...

مهمومة حبيبة قلبى ..وانتى والله وحشانى يا حبيبتى خلاص فاضل يوم واحد على عيد ميلاد أحمد كووول سنة وانتو طيبين

ادعيلها يا مها من قلبك ربنا يعوضها خير ويكرمها من فضله ويكفيها شره ويصبرها لأنها والله تستاهل كل خير ولو فيه حاجة أعلى وأكبر وأحلى من الخير فأكيد هيه أول واحدة تستاهلها

ميرسى يا روح قلبى ويارب نسمع عنك كل خير
وأنا عايزة حتة من التورتة مليش دعوة...وكمان أنا متطفلة ولالالالالازم أعرف ايه الهدية اللى هتيجى على حساب أحمد دى
ههههههههههه
ربنا يخليكو لبعض

sabry abo-omar يقول...

شيماء: حلو اوى موضوعك وفيه تحليل للانسان بشئ من الفلسفة ولكنها رؤيتك لهذا الشخص وقد تختلف عن رؤية شخص اخر له ولهذا لانستطيع ان نحكم على تقييم العلاقة له باشخاص اخريين او علاقته بمن يرتبط بهم

Tamer Nabil Moussa يقول...

الاختيار السليم منذ البداية بيكون راحة وامان فى كل حاجة وان اتضح العكس فالبعد راحة وان كان معة بعض الالم والجراح

مع خالص تحياتى

Humman being يقول...

sabry abo omar
ميرسى يا فندم..هوه الحقيقة كل اللى بيقرب منه أوى بيفهمه صح بيكتشف الواقع الأليم وبتذوب الأقنعة وكتييير من الناس بيتصدم... سبحان الله عليه اجماع قوى

بس عارف حضرتك ساعات بيبقى الواقع أقوى وأكبر من انه يتغير... بس ربنا سبحانه وتعالى بيلهم الانسانة أو الانسان اللى عايش مع الشخص ده الصبر وساعات بيبقى اختبار من ربنا

شكرا على المرور

Humman being يقول...

tamer nabil
كلام حضرتك صح 100% احنا فعلا بنبقى شايفين الغلط من الأول وبنقول يالله بقى هنعمل ايه نصيبنا كدة ...

بس ساعات ...ساعات بيبقى الانسان أو الانسانة مش واضح من البداية فبيبقى الحكم عليه صعب فالواحد بيستمر معاه عشان هوه ميعرفوش أساسا

شكرا على مرور حضرتك

Kontiki يقول...

كتير من الطيبين لم يتزوجوا الطيبات و كتير من الطيبات ظلموا لاسباب تافهه و وصموا بما ليس فيهم وقيل انهم غير طيبين وهكذا يدور الكأس الظالم على الجميع .

حصان المرجيحة يقول...

بصراحةمش عارف
اكيد في ناس كده بس يمكن ماقبلتش زيهم
ربنا يستر وينور بصيرتنا
فعلا موضوع صعب علي الواحد

Humman being يقول...

Kontiki
عندك حق فعلا ... أنا بشوف النموذج ده كتيييير جدا جدا بس أكيد ده بيبقى اختبار من ربنا... بس فى أكتر الأحيان بيبقى الأطفال هما العامل الأساسى اللى بيخلى أى ست تكمل وهيه ساكتة حتى لا تفقد كل شىء

شكرا لمروك شرفتينى

Humman being يقول...

حصان المرجيحة
ربنا يبعد عن حضرتك وعننا كلنا النموذج اللى زى ده من البشر ولو قابلته يبقى مقابلة عابرة لا تضر

خالص تقديرى ومنورنى دايما