اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الثلاثاء، 17 مايو 2011

كلام فاضى ومسخرة....

استقبل منذ قليل المستشار عاصم الجوهري، رئيس جهاز الكسب غير المشروع، المحامي فريد الديب، محامي سوزان مبارك، زوجة الرئيس المخلوع، بعد قبول الجهاز للتسوية المقدمة منها، وذلك للتباحث حول إقرار تسوية جديدة تتعلق بمبارك، وهو ما أكده المستشار خالد سليم، عضو لجنة التحقيق مع عائلة مبارك، في تصريحات خاصة للفجر.
وكان الجوهري قد أكد في وقت سابق، أن الجهاز ملتزم بتحقيق العدالة وسيادة القانون، وأنه لا أحد فوق القانون، مهما بلغ سلطانه ونفوذه، مضيفا أن عضو لجنة التحقيق الذى باشر التحقيق مع سوزان ثابت يوم الجمعة الماضي، واجهها بما أسفرت عنه تحريات الأجهزة الرقابية، من امتلاكها لفيلا وحسابات فى البنوك، وانها نفت ذلك، وقررت أن الفيلا المملوكة لإحدى الجهات السيادية فى الدولة، وأن الأرصدة الموجودة فى الحسابات غير مملوكة لها، وأنها تبرعات من الداخل والخارج، صدرت لها بشيكات باعتبار أنها حرم رئيس الجمهورية، لإنفاقها على أوجه النشاط الخيرى والاجتماعي، وأنها تقر بتنازلها عنها.
وأضاف الجوهري أن محامى سوزان ثابت حضر إلى مقر الجهاز اليوم، وقدم مذكرة ومستندات تؤكد أن الفيلا ليست مملوكة لها، كما قدمت توكيلا للجهاز غير قابل للإلغاء، بتنازلها عن جميع الأرصدة فى حساباتها، سواء كانت جارية أو وديعة أو توفير، أو غير ذلك، لصالح الدولة ممثلة فى وزارة المالية، مشيرا إلى أن هذه الاموال تقدر بـ 24مليون جنيه.
ومن جهة أخرى، نفى الجوهري في تصريحات خاصة للفجر، ما نقلته مواقع إخبارية على شبكة الانترنت، بشأن إصدار النائب العام قرارا بالإفراج عن سوزان مبارك، مؤكدا ان القرار يخص جهاز الكسب غير المشروع منفردا.

خلاص الكوسة اتطبخت ... وحقنا وحق الشهداء راح ... فتحى سرور طلع مخدش حاجة .. والست سوزان جابت اللى يثبت انها مخدتش حاجة  يدوب 24 مليون ... وجوزها كمان هيطبخها مع فريد الديب والمجلس العسكرى حامى المسخرة دى .... وباعتين يجيبولها فريق طبى من مصر ودكاترة نفسيين ليها ولجوزهاعشان نفسيتها تتحسنن... وبكرة علاء وجمال كمان يطلعوا كانوا بيصرفوا من مصروفهم الشخصى اللى بابا كان بيديهملهم .... ومعنديش كلام تانى .... ولا عاد ينفع نكتب حاجة تانية ... خلاص كفاية كدة

هناك 9 تعليقات:

Tears يقول...

ارجعى للبوست اللى كتبته بعنوان ضباط التحرير و الفيدوهات اللى فيها الله يرحمهم ابطال مصر و اللى قالوه تجدى انه يتحقق الان

IMSA يقول...

شيماء :
فقط كلمة واحدة تظل على اعلى مستوى من التعبير ....
كووووووووووووووووووووووسة .

Ms Venus يقول...

فى ايه بيحصل دلوقتى يا شيماء ميتقالش عليه كلام فاضى ومسخرة وكمان مهزلة ؟


لازم ثورة تانية

Humman being يقول...

tears....
أنا عندى احباط غريب ... ليه بنعمل فى نفسنا كدة؟؟ ..الدنيا تقوم وناس تموت عشان نفضل زى ما احنا ...احنا اللى بنعمل فى نفسنا كدة لا حسنى مبارك ولا عصابته .... ده اختيارنا اننا نفضل مزلولين
أنا مليشس نفس لحاجة ومعنتش عايزة أشوف أخبار تانى

Humman being يقول...

IMSA...
احنا اللى صنعناها والله يا IMSA ومش عارفين نعيش من غيرها...مستغربين اننا نبقى أحرار ولينا رأى
خلاص والله ما عدنلا نعرف نعيش من غير صفوت الشريف وفتحى سرور وأنس الفقى وزكريا عزمى ... دول زى الميه والهواء..لازم يخرجوا من السجن بسرعة عشان يردوا فينا الروح

Humman being يقول...

MS VENUS..
احنا محتاجين احنا نفوق الأول يا فينوس قبل ما نعمل أى ثورات تانية ... ثورة 25 يناير أشاد بيها كل العالم الا احنا ... لما شخص متخلف غبى زى "مرتضى منصور" ده يخرج من السجن... لما فاروق حسنى ومفيد شهاب يطلعوا مأخدوش حاجة يبقى احنا اللى عايزينهم أبرياء طاهرين مش هما

كريمة سندي يقول...

الكوسة طعمها ماسخ أوي

Humman being يقول...

كريمة سندى...
يارب المسئولين اللى ماسكين البلد يذوقوا الطعم الماسخ ده ويحسوا شوية

شرفتينى

ابراهيم رزق يقول...

بجد انا تعبت
بجد انا اكتئبت

ربنا يحلها من عنده

تحياتى