اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الخميس، 28 يناير، 2010

أكون ..أو لا أكون


المكان : نادى اجتماعى التاريخ : 22/01/2002 الزمان : الغروب




كانت الشمس تودع السماء ...ململة ما تبقى من شعاعها ودفئها ...معلنة الرحيل الى مكان آخر تحط فيه الركب... وتنشر ضوءها ودفئها على أناس آخرون يتوقون لقدومها....


جلس هو أمامها مرتديا نظارة سوداء يتلمسها من وقت لآخر ويلتفت يمينا ويسارا ..وكأنه لص مبتدىء استولى لتوه على حافظة نقود ..وحاسته الاجراميه البدائية مستيقظة ..تراقب بحذر "غير محترف" قدوم المجنى عليه لاسترداد ما سلب منه...


هى : وحشتنى أوى...!!!!


هو : مش قلتلك بلاش نتقابل فى أماكن عامة ؟؟!!!!!


هى : أعمل ايه ؟؟!! ما انت مبتردش على تليفوناتى خالص ....!!!!


هو : ..!!!تمتة بالرفض مع ملامسة للنظارة ....!!!!!..... أنا خايف حد يشوفنى ..!!!!!!!!


هى : ما انت لابس نظارة سودا ومتخفى على الآخر أهوه ....!!!!


هو : طب وعربيتى اللى راكنة بره دى؟؟؟؟ عربيتى رقمها وماركتها معروفين ...!!!!! كان لازم أركنها بعيد....!!


هى : .....!!!! صمت!!!!!.......


يدق هاتفه المحمول فيجيب ..: أيوة يا "شريف" ... الحمد لله....اذيك انت يا حبيبى...وصلت بالسلامة؟؟؟؟!!!
ابقى طمن والدتك.....ومتنساش تعمل التليفون صامت لحسن عسكرى ولا ظابط يسمعه و يخده منك ..هنبقى نكلمك بالليل...
مع السلامة!!!!!




هى : ده شريف ابنك؟؟!!!


هو : أيوة..!!!!


هى : هوه مسافر ولا ايه؟؟!!!


هو : لأ.... ده دخل الجيش ...!!!!


هى .....!!!!!...صمت لفترة...!!!!!!...انت وحشتنى أوى أوى...!!!


هو : من ساعة ما سافر الواد ده ومامته عمله مناحة فى البيت...!!!!


هى : عارف...أنا بقالى أسبوع ما بنمش ...كل ليلة أقول هيطلبنى النهاردة...لأ أكيد هيطلبنى...أكيد وحشته....!!!


هو : أصل الواد "شريف" ده..... دونا عن كل اخواته.... دلوعة أمه....!!!!


هى : لدرجة انى شكيت فى التليفون نفسه....قلت يمكن مفيش شبكة ولا بايظ...قعدت أقفل وأفتح فيه...!!!


هو : ..آخر العنقود بقه.......!!!!


هى : عارف أنا كنت محتاجة لحضنك أد ايه الأيام اللى فاتت ؟؟؟!!!!! عارف كان نفسى ايديك تمر ما بين خصلات شعرى أد ايه؟؟!!!


هو : الواد برده كان بيعمل حس للبيت بشقاوته وقفشاته معايا ومع والدته...ساب فراغ كبير المجرم ده...!!!!


هى : كانت أكتر حاجة وحشانى انى أحس بنفسك وأشم ريحته وهوه بيقرب من شفايفى ...!!!!


هو : مش عارف بس راحو رموه الرمية البعيدة أوى دى ليه ....هحاول أشوف أى واسطه ننقله قريب هنا شوية...!!!


هى :....!!!! صمت...!!!!!!.....


هو : انتى عايزة ايه بالظبط؟؟؟!!!!


هى : عايزة ايه؟؟؟!!!! عايزة أبقى جارية فى بلاط سموك يا مولاى.....!!!! انت نسيت انى مراتك؟؟!!!! ولا مقابلتنا فى الشقة المفروشة خليتك تصدق انى عشيقتك؟؟!!!!!!!!!!!!!!!!!!!!.....


هو : 100 مرة أقولك وضعى ميسمحش باعلان الجوازة دى ... أنا لو ولادى أو مراتى ..ولا حد........


هى : انما وضعك بيسمح انك تطلبنى وقت ما شهوتك تصرخ جواك


وضعك بيسمح تترمى فى حضنى وأنفاسك تدوب فى أنفاسى وتفرغ شهوتك جوايا وتسبنى وتنزل...!!!!


وضعك بيسمح......


هو : ..كفاااااااااية...........!!!!!!!!




غربت شمس المكان ....وظل هو جالسا على المنضدة لفترة بعدما غادرت هى مسرعة دون النطق بكلمة .... وبينما يستعد للرحيل جاءته رساله على هاتفه الجوال نصها :


نعم.... أعشقك


نعم ...لم أرى الدنيا الا بعينيك


نعم...أنت من سطر أول حرف فى كتاب عمرى


نعم.... أذوب بأحضانك....وأستنشق أنفاسك...وأذوب بقبلاتك....


نعم...نسيت معك كرامتى وكبريائى وعنفوانى..لأنك أنت كرامتى وكبريائى.....


نعم استغنيت بك عن كل الناس.....لأنك أنت كل الــــنـــــاس


نعم رضيت أنا أعيش معك فى الظلام...لأنك كنت "النور" الذى أضاء عمرى.....


نعم... ينبض بداخلى جزء منك هو ثمرة حبى لك


ولكن....


لم يعد يكفينى ضياءك .... لأنى لم أعد وحدى


فاما أن أكـــــــــون "شــمــــس" تضىء حياتك ويراها ويشعر بها العالم


أو "لا أكــــــــــــــون"
تمــت






هناك 21 تعليقًا:

winner يقول...



ممممممم.
مش عارف ابتدي منين.

كموضوع، الفكرة مهمة.
أحب أعلق إن الغلطة غلطتها لأنه ماضربهاش على إيديها عشان تكون الزوجة التانية و في السر كمان، هي اللي عملت في نفسها كدة.
حتى و لو بتحبه و متعلقة بيها، فلو كان هو كمان بيحبها و متعلق بيها و بيحترمها بالقدر الكافي أكيد كان هيفردلها المساحة الكافية في حياته، أو مكنش اتجوز على مراته أم عياله و من وراها.
الموضوع معقد.

كعمل أدبي هو كويس بس مش محبوك قوي، كان عاوز تصبري عليه شوية و تراجعيه و تظبطيه أحسن من كدة. (معلش انتي عارفة إني صريح بشكل رخم)

نقطة أخيرة، أنا غالباً مابحبش التصريح بالألفاظ بشكل زي اللي بعض الكلمات في النص مكتوبة بيه. (دي وجهة نظر شخصية)

و ازيك انتي عاملة إيه.
:)

emymony يقول...

الله ياشووشوو بس قصه غير مكتمله زى قصص اليومين دول..غلطتها من الاول وبرود تام من ناحيته وجرأة جامده منك فى سرد احتياجها له, اصبح الغروب مسيطر على الجميع .
تسلمى يا قمرايه
تحياتى ايمى

Shaimaa يقول...

winner

أهلا أهلا
أولا أنا بس عايزاك تعرف ان دى خواطر اتعودت أكتب حاجات زى كدة من أيام الدراسة...وفى كل المجالات ... ملهاش دعوة كمان اطلاقا بيا أنا...(لحسن حد يخش يقولك وعملتى فى نفسك كدة ليه يا شابة ولا حاجة)..... وان أنا مش محترفة كتابة ...يعنى أنا مش العقاد ولا طه حسين أنا بس "شيماء" - احتراف الكتابة ده محتاج دراسة وأنا شغلى أهم عندى من أى حاجة
ولكن طبعا شكرا على النصيحة

كمان بالنسبة للتصريح باللألفاظ...دى وجهات نظر فى ناس تحب وناس متحبش....وجهات نظر

أما عنى أنا.... أنا تماااااااااام زى الفل
شكرا لمرورك

Shaimaa يقول...

ايمى....ميرسى يا حبيبتى على كلامك الجميل ..وتعليقك فى مدونتى دايما بيشرفنى
خالص حبى

أميرة الأحلام يقول...

شوشو حبيبتى ..
ايه ده شكلي اتحسدت قبلي تعليقين
اعمل انا ايه دلوقتى
هههههه
يارب تكونى بخير يارب
قصه حلوه ياشوشو وبتحصل كتير على فكره
بس هى الغلطه غلطتها من الاول لانها رضيت بالوضع ده
بس موقفها في الاخر صح
فعلا تكون او لاتكون
تسلم ايدك ياقمر
مع امنياتى ليكى بحياه موفقه ان شاء الله

الوفية للأبـــد -- مها أحمد يقول...

شوشو حبيبة قلبي ....
منورة و الله اوي بكلامك الحلو اوي اوي ده
و معلش اتاخرت عليكي انتي عارفة اني باخدد خميس و جمعة اجازة من النت
و يا ريت ما تفهميش غلط
ههههههههههههههههههههههههههههههههه

المهم يا حبيبتي كلامك عسل اوي و طريقة الحوار اللي دايما بتكتبيها بتبقى اكثر من رائعة و اكتر من مشوقة
بحب اقرا كلماتك اوي يا حبيبتي

خلي بالك من نفسك
و شكرا على قصصك و مواضيعك الاحلى و الاحلى لانها من عسولة اسمها شوشو

انا عايزة اتعرف عليكي يا بنتي و الله
شوفيلك حل بقى
هههههههههههههههههه

مع خالص حبي ليكي يا سكرة

abo-omar elmasry يقول...

شيماء :أسجل أعجابى وإنبهارى باسلوبك وموضوعك .. السهل الممتع والكلمة الرقيقة التى تتسلل للقلب والعقل معا. أنا لاأناقش الفكرة لأننا قد نعبر أحيانا عما نختلف معه ولكنه الإحساس أن نشعر بما يمر به الإنسان فى لحظات مختلفة قد نتخيل أن نعيشها معه أو به.. تحياتى ولاأعرف ماهو العمل التى ضحيتى من اجله بهذا الإحساس الراقى والتعبير الإنسانى العالى فى الكتابة ... لكى منى تقدير وإعزاز

Tears يقول...

قصة جميلة جدا و مؤثرة و هادفة ايضا

اسلوبك جميل و مميز و بتعرفى تشدى القارىء...بجد برافو

اعتقد ان المشكلة فى المرأه التى ترضى لنفسها هذا من البداية


و اخيرا اتمنى تعملى رقابة على التعليقات لان فيه نصاب منتحل اسم مدونتى و اوقات ينتحل اسماء مدونات اخرى ليروج كلام غريب عندى و عند كل المدونات و هو موجود فى الاعلى فياريت تنتبهى و تحذفيه

و هنا فيه تفصيل عشان كل المدونين ياخدوا بالهم

http://tears-demo3.blogspot.com/2010/01/blog-post_20.html


شكرا لكى و دمتى بالف خير

الطيــر العاشـق يقول...

مشمشه يا قمر
... الله علي موضوعك بجد حلو قوي وحساس جدا فيه نصايح حلوة قوي بس بالرغم ان بطلة قصتك تايهه في الحب وبس ونسيت الأهم ( كرامتها )

بس للأسف ان الواحده مع حبيبها بتبقي ناسيه كل حاجه في نفسها ......

تسلمي علي موضوعك الرائع ده وتسلمي علي لباقتك الله يحميكي
فريــــدة

ghada mOhsen يقول...

بجد صدقوا الى قالوا مرايه الحب عميه ...

عشان كده الواحد مايكونش يسلم زمام الامور كلها لقلبوا بس ضرورى نكون عقلانيين شويه عشان نفرمل وقت ماتنجرف مشاعرنا

هى خطأها من الاول انها وافقت على الموضوع ...

بس نيجى للمهم ... انا حبيت كتير اسلوبك الشيق وبجد قصه ممتعه وبنفس الوقت بنطلع منها بفايده حلوه اوى ...

سلمت اناملك وعقلك على هذا الانتاج الرائع ياشوشو
... ;) ,,, ;) ...

blue-wave يقول...

هذا ما تنوله من سمحت لنفسها بعشق رجل متزوج
فقط.

Shaimaa يقول...

مرمورة حبيبة قلبى
يا جميل تبقى أول تعليق آخر تعليق هتنورى الدنيا برده
هيه غلطتها ...نعم ..ولكن ..عندما نحب نتنازل ونغفر ونتناسى ولكن لا بد من تحكيم العقل أيضا
ربنا يوفقلك للخير وياخد بايديك لكل حاجة حلوة تسعدك

Shaimaa يقول...

مهموهة القمر
يا حبيبة قلبى أنا اللى نفسى أشوفك مش بس أتعرف عليكى بس ...والله شرف ليا انى أتعرف على حد محترم أوى كدة ...قلبه حلو أوى كدة
دة ال e-mail بتاعى
shaimaa_hamdy2007@yahoo.com
ابعتيلى ايميلك عليه ونبقى نتكلم
يا رب ما أتحرم من زوقك وزيارتك اللى دايما بتسعدنى
يارب تيجى مصر قريب وأشوفك

Shaimaa يقول...

أبو عمر المصرى....ربنا يخليك ..وميرسى جدا على ذوقك وتعليقك الجميل
وشغلى فى مجال الترجمة بس مش ترجمة أدبية لأ ...تواصل مع شركات أجنبية كبيرة خارج مصر ..بس كل يوم فى جديد ..مشاكل ..حلول ..نجاح...فشل...
بحب أنا نوعية الشغل اللى كل يوم فى جديد ده
خالص تقديرى

Shaimaa يقول...

Tears
ميرسى يا حبيبتى....أيوة كتييير بتبقى المشكلة فى الست نفسها اللى بتقبل كدة ...بس برده ساعات بتبقى الظروف أقوى منها
أنا لغيت التعليق بتاع الأخ اللص اللى بيدخل ويعلق باسمك
خالص تحياتى

Shaimaa يقول...

الطير العاشق...أو "فوفة الجميلة"

شكرا يا حبيبتى على تعليقك...وفعلا ساعات الست لما تحب بتنسى الكرامة والكبرياء وكل حاجة
شكرا على ذوقك وتشريفك ليا

Shaimaa يقول...

غادة محسن

حلو أوى تعبيرك ده يا غادة
"لازم الواحد يفرمل وقت ما تنجرف مشاعره"
معبر أوى وبيختصر كل الكلام والشرح اللى ممكن الواحد يقوله فى الموضوع ده ..والله تسلم ايديكى انتى على التعبير ده

Shaimaa يقول...

blue wave
شكرا على تعليقك ومرورك

حصان المرجيحة يقول...

اللهم الهمنا رشدنا و قنا شر انفسنا

Shaimaa يقول...

حصان المرجيحة
اللهم آمين

eman mohamed يقول...

تعالى مدونتى الجديده مش هتخصر حاجه بس هتؤل رايك