اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الأربعاء، 17 مارس، 2010

معـــادلات

كرة قدم + أنفلوانزا خنازير + أزمة أنابيب غاز + أنفلوانزا طيور  + أزمة رغيف العيش + أزمة سولار + وقريبا أزمة هـــواء = أدوات الهاء وشغل المواطن المصرى

لامبالاة + تواكل + تأسلم + خوف + محسوبية + باشا + بيه +سطحية + ثراء فاحش + تدين مصطنع  + قمع + فقر موحش + اللى نعرفه أحسن من اللى منعرفوش = مواطن مصرى... ومواطن عربى

ميكروفون + لافتات + رشاوى + لحمة وفتة + حضور مآتم وأفراح + صناديق + قضاء مصالح + احياء أموات + قتل + فساد + رشاوى + شرطة مجندة + تزوير + اشراف قضائى كاريكاتيرى + أمن مركزى أعمى + رياء... رياء..  + نجاح ثم اختفاء "مصرح بالظهور كل 4 سنوات فقط" = انتخابات مجلس الشعب

تعليم فاشل + اعلام موجه + صحافة قومية غير حيادية + حكومة رجال أعمال + رئيس راحل ورئيس حالى + لا وجود لرئيس "سابق" + كل الأمور تحت السيطرة + واسطة +  سياسة "مختل عقليا" + تفصيل قوانين + تصريحات رنانة + المواطن ثم المواطن ثم المواطن..+ قانون طوارىء + سلب + توريث + محسوبية + نهب + ودن من طين وودن من عجين + منصب للأبد = مصـــــر

رشوة + فساد + حكاوى + سندوتشات + شاى + تزويغ + تقميع بامية + استغلال منصب + صلاة ظهر لمدة ساعة + اهمال + عمولات + غياب ضمير + بيروقراطية وروتين + غبـــاء +  خلقة مكشرة معقودة 111 + واسطة +  فوت علينا بكرة + ادفع الأول وبعدبن اشتكى +  غش + دمغة ..دمغة....دمغة = مصالح حكومية مصرية...

باشا + بيه + تجريد ملابس + صعق كهربائى + تعذيب + هتك عرض + استغلال نفوذ + قول... "أنا مرة" + وضبــــوه +ادخال أداة حادة فى المؤخرة + بطىء فى التحرك والتحقيق + انتهاك حقوق انسان + مط وتطويل لكى ينسى الرأى العام + تشريد + قمع + وحياة أمك لأربيك يا ابن الـــ.....؟؟؟ = جهاز الشرطة المصرى

فبركة + رياء الحاكم + تجنيد أقلام + الغاء عقول + آميــــن + تعتيم على الحقائق + خلق زوبعة + تضليل الرأى العام + عاش الملك + مات الملك + تحيذ + تشهير فى شكل عناوين رئيسية + اعتذار فى مربع صغير فى آخر صفحة + نقيب فوق ال 75 عام = صحف قومية 

"موافــقة ... موافقة..... موافقة" + تعتيم + فساد + رجال أعمال + كوسة + غياب + ضرب بالجزمة + ... وحياة أمى لأربيك... + منصب للأبد + تربح + تطبيخ وتطويع قوانين + محسوبية + استغلال حصانة ونفوذ + تكتلات  = مجلس الشعب المصرى      

هناك 20 تعليقًا:

ندى الياسمين يقول...

مررررررررررررره جدااااااااااااا

الحقيقه الى بتمثلها المعادلات بتاعتك

حقيقى قلبي بيوجعنى من الحال الى احنا فيه

مش قادره اقولك البوست حلو جدا

اصل بجد هو مررررررر جدا

بس تسلم اديكى علىا لحقيقه المره

محمد فؤاد (صاحب عمود النور) يقول...

حلوووووووة جداااااااااااااا
وفعلا واقعية جدااااااااااااااا

تسلم افكارك

emymony يقول...

جامده وجميله جدا جدا
معادله صعبه ورخمه وبتمر بينا وبنشوفها يوميا ونسمعها وبنقراها
وبنحاول نغيرها
بس لعل نلاقى حل بجد لتعديلها
تسلمى ياشوشو ياقمرايه
وخلى بالك من نفسك بقا
مع خالص حبى وحبى

كيكى عوووووو يقول...

وحشتينى
يامعادلاتك الجااااااااااامدة
عاجبتنى دى اوى

ميكروفون + لافتات + رشاوى + لحمة وفتة + حضور مآتم وأفراح + صناديق + قضاء مصالح + احياء أموات + قتل + فساد + رشاوى + شرطة مجندة + تزوير + اشراف قضائى كاريكاتيرى + أمن مركزى أعمى + رياء... رياء.. + نجاح ثم اختفاء "مصرح بالظهور كل 4 سنوات فقط" = انتخابات مجلس الشعب
+ نووووووووووووووووووووووم
ربنا يستر علينا
عووووووو

sabry abo-omar يقول...

معادلاتك صعبة أوى وفيها كل مشاكلنا.. بس ياترى هانعرف نحللها ونحلها إزاى ؟

Baskouta يقول...

ازيك حبيبتي
اخباراتك ايه
miss you ya gamila
دلوقت بس عرفت انا كنت بكره المعادلات طول عمري ليه
عرفت السر ورا الدرجات اللى كانت بتضيع مني بسبب المعادلات
اخيرا عرفت ان السر هو
ان المعادلات بتتكون من عناصر قاتلة بتطلع مبيدات بشرية في نهاية الامر

والحمد لله الذي لا يحمد على معادلات سوا

تحياتي البسكوتية

مهموهــــــة يقول...

جامدة جامدة جامدة يا شوشو و الله

فعلا و الله كلها معاكي حق فيها
معادلات في غاية الدقة و الصراحة
و بجد و الله كلامك عجبني فيها اوي لانها للاسف واقع ملموس محسوس ملبوس منحوس
ههههههههههههههههههههههههههه
اه و الله
ما هم و قهر و الله من مصر و الحكومة اللي فيها

ربنا يرحمنا برحمته يا رب

واحشاني موت يا شوشو يا حبيبتي و الله و نفسي نتكلم تاني ضروري يا قلبي

خلي بالك من نفسك

و سلامي لطنط و اختك
خالص حبي و تقديري

Guevara يقول...

نسيتى معادله مهمه جدا يا شيماء اسمحيلى أضيفها :

زيادة رواتب أئمة الجوامع + ظهور الأنجال فى المباريات + هجوم الإعلام على المرشحين + مبايعات أعضاء مجلسى الشعب و الشورى + شوية إشاعات انهم مزقوقين من أمريكا = استعداد النظام الحاكم للانتخابات الرئاسيه

Kontiki يقول...

علية العوض :(

حصان المرجيحة يقول...

مش عارف اقول ايه
معاكي حق اكيد في كلام
و مختلف في كلام تاني
ربنا يستر

sal يقول...

معادلات تعريفية اكثر من موفقة

احييك

ghada mOhsen يقول...

بــجد بــرافو شـــوشـــو ...

حبيتها كتير
ده انا خليت العيله الكريمه تقراها
ههههههههههههه

بجد واقعيه كتييييير ...

بس بجد يجى يوم من الأيام ويخيب ظننا وتطلع هالمعادلات غلط ...

تسلمي ...
... ;) ,,, ;) ...

farouksohair يقول...

فاروق بن النيل ....
شوشو هذه أول مرة أدخل على مدونتك القيمة وإسحيلى أرغى شوية وأضيف :
نفاق + كسب غير مشروع + كذب + خداع + تلفيق تهم + سرقة +إستغلال نفوذ + كروش + بذخ + ظلم + سحت + ربا + سمسرة+ ضمير غائب + إنسان بلا قلب + بجاحة = وزراء مصر بالحكومة.
معجب جا بفيديو على الحجار يامصر.
farouksam.blogspot.com

حَـبآيـۃْ.بـטּـدۉڷ يقول...

هنـعمل ايه ؟

هيا دي بلـدنا .. وبقت كده بينا احنا

كل ده احنا السبب فيه مش الحكومه وبس

هيا الحكومه السبب في النسبه الأكبر يعني

بس برده احنا مشتركين في ده بطريقه او بأخرى .. زي اننا نتفرج ونسكت ..>_<

وهيا دي المعادلات على حق ..~

OTOUMANAR يقول...

مدونة جميلة ومرتبة ومواضع مميزة شكرا لك اخي
الكريم
شرفنا بزيارتك واقض معنا أوقاتا ممتعة

http://iguiwaman.blogspot.com

IMSA يقول...

حلوة جدا ..
جامدة جدا جدا ..
الواقع بعينه ..
شيماء تسلم أفكارك ..

farouksohair يقول...

الأخت شيماء ..
حاولت أن أعلق على موضوع " كل سنة وإنتى طيبة" ولم أعرف والظاهر أنكى قد إعتبرتيه شيئا خاص بكى لا يجب لأحد التعليق عليه ولما حوالت عدة مرات وجدت تعليقى عليه نزل عندى بمدونتى والله العظيم دون قصد ولم أشأ أن أحذفه لأن به معانى سامية وكذلك لكلامك على والدتك الذى أبكانى وذكرنى بأمى رحمها الله وحفظ الله لكى والدتك من كل سوء وعذرا على دعوتك لقراءته بمدونتى وشكرا
farouksam.blogspot.com

هي وظروفها يقول...

ازيك يا شيماء فينك

معلش انا في وسط فتره فاتت عليا صعبه شوييتين بس الحمد لله فقت ورجعت احسن من الاول وافتكرت اختي سشيماء اللي بقالي كتير مش شايف ولا اعرف عنها شيء

يارب تكوني بخير وبجد محتاجين نطمن عليكي ربنا يفرح قلبك ويسعد ايامك ويحقق احلامك

فاروق بن النيل يقول...

الأخت الفاضلة شيماء .. شوة فضفضة
نريد فقط أ نطمئن عليكى لأنك موش متواجدك منذ شهر تقريبالعل المانع خير زورينا وعايزين تواجدك عندى قصيدة جديدة" قدساه لاتنتظرينى " ونشكرك وطمنينا عليكى مع السلامة

Kontiki يقول...

r u ok ?