اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

السبت، 23 أكتوبر، 2010

نسيت أفكرك انك نسيت...!!!



عارف ..الخميس اللى فات كان ذكرى أول مرة شوفنا فيها بعض .... نسيت اليوم ده ؟!!!!

         من 3 أيام فاتوا كان عيد ميلادى .....                               نسيت برده ؟!!!!!
          الأحد اللى جاى هيبقى عيد جوازنا .....                             ناسى طبعا ؟!!!!!
          حفلة المدرسة السنوية بتاعة "فرح"بنتنا كانت امبارح .....      نسيت أكيد ؟!!!!!
          مسألتنيش عملت ايه عند الدكتور .....                               ناسى أنا عارفة ؟!!!!!!
         وعدتنى نحل مشاكلنا لوحدنا من غير ما مامتك تعرف .....      نسيت؟ ....يمكن !!!!!!!!
         مقولتليش مبروك على الترقية الجديدة .....                          نسيت؟... مش مشكلة ؟!!!!!
        كنت قولتلى هتسهرنى برة انهاردة .....                               نسيت؟... ممكن برده؟!!!!!
        طلبت منك تطمنى عليك لما تكون هتتأخر .....                      نسيت؟ ...عادى ؟!!!!!
        كنت وعدتنى تيجى معانا النادى مرة فى الأسبوع .....             نسيت؟ .... صح؟!!!!!
       نفسى تاخدنى فى حضنك أوى دلوقتى ........................................ ناسى دى برده؟؟؟؟؟؟؟!!!!!!!!!!!!!!!!!!!!!!!!!!!!

هناك 16 تعليقًا:

Baskouta يقول...

تقول أحلام مستغانمي

" أحبيه كما لم تحب امرأة , وانسيه كما ينسى الرجال"

النسيان صفة اصيلة فيهم على كل اشكالها سواء نسيان او تناسي

تحياتي

Shaimaa يقول...

Baskouta..
فينك يا جميلة .... وحشتينا
أنا متبعاكى بس مش عارفة أعلق عندك خالص ... التعليقات مش موجودة

كتيييير أوى بتبقى تناسى يا بسكوتة

خالص حبى

Kontiki يقول...

:( :( حال معظم رجالة مصر الكويسين المتربيين اللى مش اندال ولا حاجة اللى بيراعوا مشاعر البنى ادمة اللى معاهم :(

Ms Venus يقول...

عجبتنى الجملة اللى كتبتها بسكوتة لأحلام مستغانمى


حقيقة فعلا

جميل البوست وواقعى جدا وبيحصل فى كل البيوت يا شيموو


تحية ليكى

Tears يقول...

لا كل ده يبقى مش ناسى ده زهايمر او حادثة فقدان ذاكرة

الرجل اللى وصفتيه ده عايش معاها بجسده مش بمشاعرة و مش مهتم بيها خالص

Shaimaa يقول...

Kontiki....
أعتقد كمان انهم مش المصريين اللى كدة بس يا كونت ... ده معظم العرب كدة ..

Shaimaa يقول...

Ms Venus...
أيوة جملة فعلا معبرة يا فينوس عن حال معظم الرجال
نورتينى
دمتى بخير

Shaimaa يقول...

tears...
الراجل ده منه كتييييييييير أوى يا تيرز ...عارفة اللى يضايق أكتر ايه .. انه مش ناسى ولا حاجة ..ده بيتناسى
الظاهر بعد الجواز بيبقى "التناسى" من ضمن الروتين اليومى

emymony يقول...

على فكرة
احنا مش بناخد الفكرة انه ناسى
اوقات بيتجاهل
والتجاهل او النسيان ده
ممكن يفرق ناس عن بعضها
يولد مشاعر بغض بعد محبه
يربى داخل نفس طفل عقده
دى مشكله كبيرة
ولازم علاج للزهايمرى الاستعباطى ده
وحشتينى اوى ياشوشو
تحياتى

TAMTAM يقول...

عارفة مشكلتي الكبرى
اني انا اللي بنسى وهو مابينساش
ماعرفش بعد 5 سنين حيفضل الحال كدة بردو؟؟

:)))

Tears يقول...

شيماء اختفيتى بقالك اسبوعين... يا رب تكونى بخير


تحياتي

Ms Venus يقول...

شيمووو

كل سنة وانتى طيبة يا قمراية

عيد سعيد عليكى يارب دايما

Baskouta يقول...

شيماء الجميلة
وحشتيني اوي اوي
كل سنة وانتي وكل الاسرة بخير
عيد أضحى سعيد
:)
ماتاكليش لحمة كتير

Kontiki يقول...

وحشتينى يا شيمو :)

يوميات شحات يقول...

على اساس ان الدنيا ساقعة مثلا؟
هو فيه راجل متجوز باخد زوجته في حضنه؟

فاروق بن النيل يقول...

شيمــــــــــــــــــــــــــــــاء
أحيانا كثيرة بحس إن النسيان نعمة
لكنه يكون من هذا الإنسان نقمة
وأكيد محطوط جوه دماغه فردة أزمة
ومالهوش فى البيت ده أبدا أى لزمة
ولا إيه رأيك ؟!!!!!!!!!!!!!!!!!!!!!