عارف ..الخميس اللى فات كان ذكرى أول مرة شوفنا فيها بعض .... نسيت اليوم ده ؟!!!!
من 3 أيام فاتوا كان عيد ميلادى ..... نسيت برده ؟!!!!!
الأحد اللى جاى هيبقى عيد جوازنا ..... ناسى طبعا ؟!!!!!
حفلة المدرسة السنوية بتاعة "فرح"بنتنا كانت امبارح ..... نسيت أكيد ؟!!!!!
مسألتنيش عملت ايه عند الدكتور ..... ناسى أنا عارفة ؟!!!!!!
وعدتنى نحل مشاكلنا لوحدنا من غير ما مامتك تعرف ..... نسيت؟ ....يمكن !!!!!!!!
مقولتليش مبروك على الترقية الجديدة ..... نسيت؟... مش مشكلة ؟!!!!!
كنت قولتلى هتسهرنى برة انهاردة ..... نسيت؟... ممكن برده؟!!!!!
طلبت منك تطمنى عليك لما تكون هتتأخر ..... نسيت؟ ...عادى ؟!!!!!
كنت وعدتنى تيجى معانا النادى مرة فى الأسبوع ..... نسيت؟ .... صح؟!!!!!
نفسى تاخدنى فى حضنك أوى دلوقتى ........................................ ناسى دى برده؟؟؟؟؟؟؟!!!!!!!!!!!!!!!!!!!!!!!!!!!!
.jpg)
هناك 16 تعليقًا:
تقول أحلام مستغانمي
" أحبيه كما لم تحب امرأة , وانسيه كما ينسى الرجال"
النسيان صفة اصيلة فيهم على كل اشكالها سواء نسيان او تناسي
تحياتي
Baskouta..
فينك يا جميلة .... وحشتينا
أنا متبعاكى بس مش عارفة أعلق عندك خالص ... التعليقات مش موجودة
كتيييير أوى بتبقى تناسى يا بسكوتة
خالص حبى
:( :( حال معظم رجالة مصر الكويسين المتربيين اللى مش اندال ولا حاجة اللى بيراعوا مشاعر البنى ادمة اللى معاهم :(
عجبتنى الجملة اللى كتبتها بسكوتة لأحلام مستغانمى
حقيقة فعلا
جميل البوست وواقعى جدا وبيحصل فى كل البيوت يا شيموو
تحية ليكى
لا كل ده يبقى مش ناسى ده زهايمر او حادثة فقدان ذاكرة
الرجل اللى وصفتيه ده عايش معاها بجسده مش بمشاعرة و مش مهتم بيها خالص
Kontiki....
أعتقد كمان انهم مش المصريين اللى كدة بس يا كونت ... ده معظم العرب كدة ..
Ms Venus...
أيوة جملة فعلا معبرة يا فينوس عن حال معظم الرجال
نورتينى
دمتى بخير
tears...
الراجل ده منه كتييييييييير أوى يا تيرز ...عارفة اللى يضايق أكتر ايه .. انه مش ناسى ولا حاجة ..ده بيتناسى
الظاهر بعد الجواز بيبقى "التناسى" من ضمن الروتين اليومى
على فكرة
احنا مش بناخد الفكرة انه ناسى
اوقات بيتجاهل
والتجاهل او النسيان ده
ممكن يفرق ناس عن بعضها
يولد مشاعر بغض بعد محبه
يربى داخل نفس طفل عقده
دى مشكله كبيرة
ولازم علاج للزهايمرى الاستعباطى ده
وحشتينى اوى ياشوشو
تحياتى
عارفة مشكلتي الكبرى
اني انا اللي بنسى وهو مابينساش
ماعرفش بعد 5 سنين حيفضل الحال كدة بردو؟؟
:)))
شيماء اختفيتى بقالك اسبوعين... يا رب تكونى بخير
تحياتي
شيمووو
كل سنة وانتى طيبة يا قمراية
عيد سعيد عليكى يارب دايما
شيماء الجميلة
وحشتيني اوي اوي
كل سنة وانتي وكل الاسرة بخير
عيد أضحى سعيد
:)
ماتاكليش لحمة كتير
وحشتينى يا شيمو :)
على اساس ان الدنيا ساقعة مثلا؟
هو فيه راجل متجوز باخد زوجته في حضنه؟
شيمــــــــــــــــــــــــــــــاء
أحيانا كثيرة بحس إن النسيان نعمة
لكنه يكون من هذا الإنسان نقمة
وأكيد محطوط جوه دماغه فردة أزمة
ومالهوش فى البيت ده أبدا أى لزمة
ولا إيه رأيك ؟!!!!!!!!!!!!!!!!!!!!!
إرسال تعليق