اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الاثنين، 7 فبراير 2011

اضراب عـــــام...!!!!

أنا حاسة كدة يا جماعة ان مظاهرات ميدان التحرير والمظاهرات المليونية دى مش جايبة مع الراجل ده نتيجة ... أو يمكن تجيب بس هتاخد وقت طويل وهوه كالعادة مفيش دم ... أو يمكن محتاجة حاجة كمان قوية تساعد جنبها ....

ايه رأيكوا نعمل اضراب عام لمدة معينة ؟ .... أو ما يسمى "عصـيـــان مــدنى"..... ايه رأيكوا؟ قولولى لو معايا فى الرأى ده نحاول ننفذ الفكرة وننشرها...

هناك 12 تعليقًا:

sal يقول...

ممكن الاثنين مع بعض
ودا اللى سمعته من الشباب
كله خير ان شاء الله
الثورة حتنجح باذن الله قريبا

سَارةٌ يقول...

أنـآ حاسه إن معدش حاجه بتجيب نتيجه معاه اصلاً ..

تفتكري الإضراب العام ممكن الناس تقدر عليه ؟

أو ممـكن يجيب نتيجه معـآه ؟!!

Ms Venus يقول...

هو الاقتصاد ناقص يا شيماء


انا سمعت فى الاخبار النهاردة انه مسافر المانيا للعلاج

معرفش الخبر ده صح ولا كلام


طب لو سافر هيبقى الحال ايه

لــــ زهــــــراء ــــولا يقول...

عصيان مدني ازاااي يا شيمو

لولا

Humman being يقول...

sal...
ياااااااااااارب يااااااارب

Humman being يقول...

حباية بندول ..
لأ عشان خاطرى مش عايزين عزمنا أو ارادتنا تقل .... هانت .. هانت ... هاااااااااااانت

Humman being يقول...

Ms Venus...
يا حبيبتى والله ما تخافى ده وجوده هوه الشر والخراب بعينه
متسمعيش الكلام اللى بيقوله ان وجوده هوه الاستقرار دى حجة عشان يقعد لشهر 9 وياخد الوثيقة اللى بتقول انه برىء الزمة تماما من أى شىء عشان منلاحقوش قضائيا

صدقينى يا فينوس احنا ممكن نتعب شهر أو اتنين بس هنرتاح بقية عمرنا

شوفتى فيديوهات التعذيب اللى عرضتها الجزيرة امبارح ... ممكن يطلع يعلق يقولك أصل أنا مكنتش أعرف ... ده على أساس ان حبيب العادلى كان بيشتغل فى بلد تانية ...
لازم يتحاسب
متخافيش عندنا رجال أعمال شرفاء كتير قالوا مش هيسيبوا البلد الا لما ترجع عروسة زى ما كانت منهم صاحب الشركة اللى أنا فيها
متخافيش

Humman being يقول...

لولا وزهراء...
عصيان مدنى يعنى كل حد بيشتغل فى أى مصلحة أو شركة أو مصنع يضرب عن العمل لوقت معين ....
أكيد اقتصادنا اتأثر .... أكيد فى ناس اتضررت ... بس صدقونى هنتعب شهر اتنين وهنرتاح سنين
دعواتك يا لولا
شرفتينى يا قمر
خالص تحياتى

Kontiki يقول...

شيماء ازيك
انشاء الله تكونوا بخير كلوكو فى البيت ويارب كل الناس تبقى كويسة
بصى يا شيماء انا مع التغيير مليون فى المية وموافقة ع الثورة الف فى المية لكن الشباب يموت لأ اقتصادنا يخرب ومحلاتنا تتسرق و نبقى عايشين فى البهدلة اللى كلنا فيها دى حراام عشان كدة قلت خلاص قدم وعود و شكلة مش حيمشى الا لما تخرب و يمشى فى سبتمبر ! فهمانى انا مش ضد اى ثورة ولا غيرة اطلاقا انا طول عمرى نفسى اشوف المقصلة فى الشارع للظلمة لكن البلد فى فوضى و جيشنا فى الشارع وربنا يستر على بكرة ياريت بلاش يتحركوا من التحرير احسن تتقلب الترابيزة عليهم و الجيش يدافع عن قصر الرئيس بالرصاص الحى انا مرعوبة من بكرة خايفة على شباب زى الورد وجيش واقع فى مطب صعب الكام شهر اللى فاضلين مش كارثة بس نستلم بلدنا بخير و امن بدل ما يسيبها خراب و ارواح شهداء تضيع اكتر من كدا فهمانى يا بنتى
وعشان كدة انا مش مع الاعتصامات دلوقتى لاننا عاوزين الدنيا تمشى بامان و نستلم بلدنا منه وهى بخير امين

لــــ زهــــــراء ــــولا يقول...

هو حد كان سامعك وانتي بتجوبيني كلهم نفذوا كلامك :ي

لولا

Humman being يقول...

komtiki...
خلاص يا كونت مصر اتحررت مصر رجعت حرة
واحنا اللى هنبنيها ونرجعها أحسن ما كانت
مبروك يا حبيبتى مبرووووووووووووووووووك

Humman being يقول...

لولا وزهراء....
مبروك يا لولتى مبروك يا زهراء... مصر رجعت بالسلامة مبرووووووووووك يا بنات مبرووووووووووووووووووووووك