اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الأحد، 14 مارس 2010

أوقفوا اصدار الأحكام جزافا

البوست ده كنت كتبته من شهور... أنا أضفت عليه بعض البنود وحبيت أعرضه تانى ..لأنى بجد نفسى نحاول ننفذه.....يمكن ننجح... يمكن كمان نرتاح ونريح اللى حوالينا

                             *******************
"أتمنى أن أطلق حملة... أنا شخصيا مؤمنة بها تمام الايمان وهى حملة عنوانها "أرجوكم .. "أوقفوا اصدار الأحكام جزافا - فالجرح يزيد ولا يحتمل المزيد" .. فقد لاحظت مؤخرا ..لا... من وقت بعيد ..أننا جميعا .. وأؤكد "جميعنا" قد نصب نفسه قاضى شرعى ومستشار قانونى ومفتى على كل البشر .. كل البشر .. مهما كانت جنسياتهم.. توجهاتهم.. نوعهم "ذكر أم أنثى".. أفكارهم.. مهما تطابقت أو اختلفت ظروفهم.... فجميعنا والحمد لله فزنا مؤخرا بلقب "مفتى" ، والكارثة الحقيقية أن أحكامنا نافذة لا نقض فيها ولا استئناف .. ودائما مصحوبة بقسم الهى تهتز له السماوات السبع "والله العظيم فلان ده كذا......".


ولكنى أوجه حملتى للجميع وعلى رأسهم أنا التى بدأت بنفسى فعليا فى تنفيذ هذا القرار .. والعمل بهذا الشعار .. كلما وجدت نفسى تحكم على غيرى سطحيا ..أو وجدتها تحكم على سلوك أو قضية أو حدث أمامى دون علم أو خبرة..أوبخها فورا وأتراجع وأحاول التحرى عن الحقيقة فان لم أصل اليها .. أترك الموضوع لأصحابه ..فهذا شأنهم ..لأننى ببساطة لم أعش التجربة بنفسى.. ولم يتطوع أحد بتصويرها لى صوت وصورة.. ولم أكن شاهد عليها .. لأن الشاهد الأوحد علينا جميعا هو ....الله.


بعض بنود الحملة :
لا تحكم على أى متهم مهما كانت جريمته من قتل سرقة أو زنا ....الخ بأنه قاتل أو سارق أو زانى.. ولا تحكم على المجنى عليه أيضا بأنه "مظلوم"....أو.... "يستاهل والله دى أقل حاجة.. طب ياريت كان ربنا....!!!!!" لا تنسج تلك القصص والحكايات المؤلفة من وهم خيالك وحدك حول كل حدث وتصدقه وتقصه وتنشره بين الآخرين .. اترك القضاء يحقق ويحكم هو من وجهة نظره القانونية والانسانية أيضا ان لزم الأمر.. القضاء هو الجهة الوحيدة التى تقرر من هو الجانى ومن هو المجنى عليه.... مجرد سرد ونشر هذه القصص الخيالية بين الناس .. يعتبر حكم مسبق بالاعدام على شخص الله وحده هو الشاهد على فعلته مهما كانت ....كفى .. فالجرح يزيد ولا يحتمل المزيد .


"لا تحكم على الفتاة التى ترتدى بنطلون وجاكت أو بنطلون وبلوزة عادية .. وأؤكد عادية ..أنها متبرجة عارية سافرة فاسقة منحللة ومن أهل النار .. وعلى الفتاة التى ترتدى النقاب أو الاسدال وتؤم المسجد ليل نهار وتحضر دروس الفقه والشريعة "شيخة".... ومن أهل الجنة... فربما يكون سلوك وأخلاق وتدين وتربية وعمل من ترتدى البنطلون أقرب كثيرا كثيرا جدا الى الله ممن ترتدى الجلباب الفضفاض وتؤم المساجد" - الله وحده هوالذى يحكم على النفوس"لا تأخذوا بظواهر الأشياء" .


"لا تحكم على من يتصارعون على صلاة الجماعة وتغطى علامة الصلاة نصف جباههم ويطلقون اللحية "أهل تقوى وورع وايمان" ...وأهل ثقة أيضا..فتوكل اليهم كل شئون حياتك ايمانا منك أنهم هم فقط من يؤتمن على مالك وبيتك وولدك...ولا تحكم على من لا يقصد المسجد الا نادرا ولا يتشدق بقالى تعالى وقالى الرسول أنه "كـــــافر"- فكلمة كافر هذه تهز عرش الرحمن - فأنا أعرف أشخاص يحرصون على صلاة الجماعة ..ويتسابقون لصلاة الفجر..ويخطبون فى الناس بحلو الكلام وأدوا فريضة العمرة والحج أكثر من مرة..... ويرتكبون بعيدا عن أعين الناس أبشع ما لا أستطيع وصفه من استحلال حرام وكذب ونفاق وسرقة وزنا وفتنة.. فيطوعون شرع الله طبقا لأهواءهم... ويختارون منه ما يخدم تطلعاتهم ...الله وحده من يعلم خبايا الصدور...


"لا تحكم على من ترك أبناءه لزوجته وطلقها وتزوج من أخرى بأنه جاحد قاسى القلب لا يعرف معنى المسئولية .. فأنت لم تعرف ..ولم تعش نفس تجربته القاسية..ولم تعرف تفصيلا سر هروبه من أحضان أعز ما يملك وهم أبناءه- ولا تحكم أيضا على المرأة المطلقة بأنها (امرأة ماشية على حل شعرها ..بلا ظابط أو رابط)....فلا توجد امرأة فى العالم أجمع لا تتمنى حضن وظل رجل يحميها ..كما لا توجد امرأة تحرص على لقب مطلقة ....ولا تعلم سر هروبها من "حياة" أقل ما توصف به "جحيم"............ كفى.. فالجرح يزيد... ولا يحتمل المزيد.


"لا تحكم على الفتاة التى تتأخر فى الزواج أو العانس كما يطلقون عليها بأنها "بتدلع" وتطلب ما هو فوق طاقة البشر .. وتريد أن تتزوج رجل تفصيل .. وطلبوها اتعززت...وأنها.. وأنها... الخ.. فأنت لم ولن تعش ما تعانيه .. ولم تقابل الشخصيات التى تقدمت لخطبتها ورفضتهم جميعا لأسباب منطقية بحتة.. لم تعش يوما أو ساعة .. بل أقول دقيقة من دقائق الضعف و الوحدة والاحتياج التى تقطع أحشائها وحدها..لم تعش لحظة من لحظات محاولاتها المحافظة على كرامتها وكرامة جسدها التى تنهشه أعين من تسول له نفسه انتهاك حرمتها ...كفى..فالجرح يزيد ولا يحتمل المزيد

لا تحكم حكم مطلق.. أن السبب الرئيسى فى التحرش الجنسى هو لبس الفتيات أنفسهن.. من يدريك بحال هذا الشاب أو الرجل الذى يتحرش .. من يدريك أنه لم يتعاطى حبوب مخدرة ...أو منعشة.. كما يسمونها أو سيجارة كذا ... أو... أو.... - أو ربما لم يتعاطى شىء وهو بطبيعة تكوينه شهوانى ...يلهث وراء كل النساء.. أو حتى شخص عادى يريد أن يمارس رغبة طبيعية خلق بها وتمنعه الظروف وقسوة المجتمع الذى لا يرحم من ممارستها ...أعرف صديقة تعرضت لتحرش جنسى سافر فى الوقت الذى كانت ترتدى فيه ملابس عادية... مع العلم أنها عادية جدا كشكل وجه وجسد ولا يوجد فيها ما يثير الرجال..يكفى كم الرعب والخوف الذى تعيشه هذه الفتاه عندما يتحرش بها أحد .. وليس رعب لحظى ... بل يمتد لساعات ...كفى....فالجرح يزيد ولا يحتمل المزيد".


لا تحكم على المرأة التى تخرج للعمل بأنها "خارجة للاستعراض" - ومن أجل أن يراها الرجال .. وشايفة نفسها.. وبتساوى نفسها بالرجالة.. والراجل راجل.. والست ست... وبتزاحمونا فى كل حاجة....واهبطى بقة فى بيتك وربى ولادك.......الى آخره من التعليقات الافتائية من أشخاص متطوعين فقط لابداء الآراء دون أن يعرفوا أن : معظم البيوت المصرية العائل فيها الآن امرأة - كما أن المرأة هى من تدير الدفة بعد وفاة الرجل فتصبح أما وأبا وعائلا رئيسيا بعد ما يختفى العم والخال كالعادة ....أو تعمل لأنها ببساطة جزء من المجتمع.... (سمعت شريطا دينيا لأحد المشايخ فى احدى الأماكن يسأل المرأة... لماذا تخرجى للعمل؟ ...لكى تحتكى بالرجال وتتحدثى وتضحكى معهم.. وأتم حديثه بنصيحة غالية "اذا كنتى تريدين أن تحافظى على نفسك وعفتك وكرامتك ومضطرة للعمل ..فاعملى بمكان ليس به رجال"- كدت أفقد الوعى بعد سماع هذا الشريط..................... كفاكم .................فالجرح يزيد ولا يحتمل المزيد .


لا تقترب.. ولا تقتربى" اطلاقا من منطقة "عدم أو تأخر الانجاب عند أى امـــرأة" ... فهذه المنطقة "محظورة... محظورة ...محظورة" ...ولا تستعرضى حبك لأبناءك أمامها...ولا تستفيضى فى شرح مشاكل أبناءك.... ولا تبالغى فى تدليلك لهم أمامها .....ولا تسأليها عما فعلت عند الطبيب "س" أو المستشفى "ص".....لأننا......لم ولن....أؤكد ... لم ولن.... نشعر بالجرح الذى ينزف بداخل أى امرأة لم يهبها الله نعمة الأطفال.... يسكنها ألم وآآآآآآآآآآآآآآآآآآآآآه تعجز أقلام العالم عن وصفه... مهما أظهرت من قوة... مهما أظهرت من ابتسامة عريضة وضحكات مدوية... فتلك الضحكات ما هى الا ستار يتخفى وراءه قلب يبكى.... كفى فالجرح يزيد ولا يحتمل المزيد.....


لا تحكم على جرح الآخرين "بتافه. وهين.. وايه الهيافة دى.. ويا عم دى ناس فاضية مش لاقية حاجة تعملها...والفراغ يعمل أكتر من كدة... وفلوس مش عارفين يودوها فين.... و.. و.. الخ ..........من التعليقات التى ان دللت على شىء فانما تدل على جحود وحقد صاحبها.. فما يدريك حجم وحقيقة جرح الآخر مهما كان..فما يدريك فلعله يخفى من ألم ما هو أضعاف أضعاف ما يظهر.... وربما ما تراه أنت تافه وحقير ..هو بالنسبة للآخر الحياة بكل ما فيها..فلا كثرة المال هى منتهى السعادة ولا قلته هو منتهى الشقاء ..كل منا يعيش تجربته وجرحه من وجهة نظره .. وعلى قدر احتماله الذى دائما أبدا ما يكون فوق الاحتمال ..كفى..." فالجرح يزيد ولا يحتمل المزيد".




لا تحاول اقتحام "حياة الآخر"... ولا تحقق فى تفاصيلها... ولا تختار أو تقرر بالنيابة عنه الا اذا طلب هو ذلك.....


كفانا أرجوكم ..


هذا بعض من بنود الحملة.. من يود اضافة أى بنود أو أفكار أخرى ... على الرحب والسعة... كل ما أرجوه أن تلقى رواجا.... وتنفذ

هناك 27 تعليقًا:

Kontiki يقول...

الله يا شيماء بجد الله ينور عليكى
اطلاق الاحكام جزافا واستعراضا مرض وفية ظلم وافتراء كتير وانا شخصيا دقت مرارة الظلم دة . حسبى الله ونعم الوكيل .
عندك حق فى كل سطر انتى كاتباة
و الله وحسبى الله ونعم الوكيل

Humman being يقول...

Kontiki
فعلا يا حبيبتى "حسبنا الله ونعم الوكيل" دى أبلغ حاجة ورد ممكن نرد بيه على أى تجاوز أو افتراء
ربنا يخليكى
خالص تحياتى وحبى

مهموهة أحمد يقول...

شوشو حبيبة قلبي الغالية
واحشاني موت و الله
و بجد بجد بجد نفسي بقى اشوفك فيس توفيس و نقعد و نتكلم لانك بجد انسانة جميلة اوي و رقيقة اوي اوي اوي اوي

و انا من هذا المنبر بضم صوتي لصوتك و بقول انا عضوة من اعضاء هذه الحملة
حملة الجرح يزيد و لا يحتمل المزيد

بجد مش عارفة لسة فيه مواقف نقدر نقولها و لا لا
لاني حاسة انك غطيتي كل المواقف و الله
بس اكيد لو افتكرت حاجة هبلغك بيها علطول

ربنا يكرمك يا شوشو يا حبيبتي لفعل الخير دايما يا رب
و من كل قلبي بدعيلك ربنا يوفقك و يسعد ايامك كلها يا رب

خالص حبي و حبي و تقديري
و بجد واحشاني يا قمر

امواااااااااااااااااااااااه

Humman being يقول...

مهموهة حبيبة قلبى ...
والله يا حبيبتى أنا كمان نفسى أشوفك ربنا يعلم... يارب نشوفك قريب فى مصر

وشرفتينى بالعضوية ... يارب ناس كتيير تعمل بالبوست ده... يبقى مش مجرد حاجة بنمر عليها ونقرأها وبس ... نفسى نحس بيها كمان

فى انتظار اقتراحاتك أو أى اضافات
ربنا يحققلك كل اللى بتتمنيه
خالص حبى وحبىىىىىىىىىىىىىى

إيمان يقول...

شوشو ياقمرايه
عندك حق والله
فلا يعلم بالنفس سوى الله
واننا لما نطلق احكام جزافا
دا ظلم للاشخاص ومعاصى لينا
وانا معاكى عضوة فى الحمله دى
بس انا من زمان ومبدأ فى حياتى
مكبره ع الاخر
يعنى ماليش علاقه انى اصدر احكام على حد
لان يااما فى البيوت والامور اسرار
مع خالص حبى وحبى

طلباوي يقول...

السلام عليكم ورحمة الله وبركاته

هذه أول زيارة ليه في مدونتك

وبصراحة مدونة رائعة جداً

وإن شاء الله يدوم التواصل والمتابعة

وعلفكرة أنا ضفتك في المدونات التي أتابعها

وشكراً لك

Tears يقول...

متفهمة طرحك و انزعاجك و اوافقك

و لكن دعينا نفرق بين حق الفرد فى ابداء رايه فى حوار ودى او فى اماكن مخصصة لذلك و بين اصدار احكام او فتوى كما قلتى خاصة ان من يصدرها فجأه يتقمص شخصيةالالهة و يتحدث كان هو رب الكون

من حق كل فرد ان يرى ما يراه و لكن لا يسعى لاقناع الاخرين مادم لم يطلب منه احد ان يدلوا بدلوه

Humman being يقول...

emymony...
أهلا بكى عضوة...
ويارب كل الناس تبقى زيك ..تهتم فقط بأمورها الشخصية ..وتبتعد عن حياة الآخرين ...الا فى حدود أو فى حالة طلب الطرف الآخر
خالص حبى وتقديرى

Humman being يقول...

فلسطينى
وعليكم السلام ورحمة الله
أهلا بحضرتك وشرف ليا زيارة حضرتك
خالص تقديرى

Humman being يقول...

tears

اللى قصدته هنا ..هى موضة الحكم والتجنى على الآخر بغير وجه حق + "البراشوت" اللى بتلاقيه نازل على حياتك الخاصة والاختراق الغير مبرر لأى شخص

أما "الافتاء" فلا... ده مرحلة تانية خالص يا تيرز ... ده أنا لو فتحت الحنفية هتنزلى افتاءات ... مش الفضائيات بس ... دى عايزالها بوست مفصل
يمكن أكون أخطأت فى كتابة كلمة "افتاء" برده عندك حق

Tears يقول...

البراشوت" اللى بتلاقيه نازل على حياتك الخاصة والاختراق الغير مبرر لأى شخص

معلش بعلق تانى يا شيماء عشان عجبتنى اوى اوى الجملة دى بالذات انه براشوت نازل لان ده بيحصل جدا و فى كل حته حتى على النت فيه ناس بيحسوا انك مش عاجباهم فبدل ما يشوفوا حد غيرك يعجبهم لان كل واحد حر بس مع نفسه يجوا فاهمين نفسهم ح ينصحوكى و ح يربوكى و يبقى ماورهمش شغله غيرك مع انهم اصلا لا حد طلب منهم و لا دعاهم بس اهى غتاته و فراغ

اعتقد التصدى لهؤلاء بيكون بالردع و الحدة لان مهما عملتى الشخصيات المتطفلة مش بينفع معاها الا كده

تحياتى لعقلك المميز

Humman being يقول...

Tears
بالظبط كدة يا تيرز...أنا دخلت عند فلان لقيته كاتب أفكار مش عجبانى ..وحاطط صور ناس أنا لا أؤمن بيهم على الاطلاق .... أعمل ايه؟؟!!!
أقفل المدونة دى أو أقفل ال site ده بمنتهى الأدب والاحترام والتقدير ولا أزور المدونة دى تانى

انما مدخلش وأهزأ صاحب المدونة ده.. وأتفه أفكاره
فى ناس كتييييير جدا قفلوا المدونات بتاعتهم بسبب التعليقات
شكرا لمرورك

الطيــر العاشـق يقول...

مشمشه
يا قمر والله بجد موضوع غايه ي الروعه والجمال تسلم ايدك يارب ويحميكي

وبجد كلامك بالطبع صحيح لأن سبحان الله ماحدش فينا بيقدر يعرف حد من الظاهر علشان يدي لنفسه الحق انه يحكم عليه

بس في نقطه معينه من كلامك وهيا بكيتني فعلا تسلمي علي كلامك

كل حبي واحترامي

ghada mOhsen يقول...

تسلمي ياشيماء بجد على فكره الحمله الاكثر من رائعه ...

انا بدأتها مع نفسي من اكتر من تلات شهور ... وبعدين مع زمايلي المقربين ...

بجد بجد فعلا الحمله دى لازم تنتشر على نطاق اوسع ... عشان مشاعر واعراض وسمعه الناس مش لعبه بإيداى حد ...

اتى تقريبا حطيتى معظم البنود المهمه بجد اللى بتمس اى حد تحصله الحاجات دى ...

انا معاكى وزمايلى معاكى ياشيماء ...

... ;) ,,, ;) ...

V.Hayat يقول...

والشعب هيتكلم فى ايه ما هى دى الحياة اليومية وطعام الشعب الانتقاد والتدخل فما لايعنيه واذا سال هن ما يعنيه لا يتكلم
شعب يتكلم اكثر ما يعمل

تحياتى

Humman being يقول...

الطير العاشق...
فرفورة...ربنا يخليكى...يارب الحملة دى تحقق اللى نفسى فيه أوى يا فرفورة... لو حصل ده ... والله كتيييير مننا هيرتاح وهيريح اللى حواليه
ميرسى يا حبيبتى على ذوقك
خالص حبى وتحياتى

Humman being يقول...

ghada mohsen
أنا سعيدة جدا جدا جدا ان الحملة دى ليها صدى عندكوا وان انتوا كمان مؤمنين بيها يا غادة... يااارب يااارب الناس كلها تحاول تطبق ولو جزء كبير منها....

شرفتينى يا حبيبتى كالعادة
خالص حبى واعتزازى

Humman being يقول...

حياة...
طب ما نحاول يا حياة... يمكن.. يمكن نقدر نعمل حاجة... زى ما قالت "غادة محسن" أعراض وسمعة الناس بقت مستباحة وكأنها حاجة عادية ... معتش فيه حياة شخصية بقت مشاع لكل الناس... ومعنتش بقابل حد عنده المقدرة انه يقول كلمة "معرفش" .. لأ.. كلنا بقينا بنعرف فى كل وأى حاجة ... وده فى حد ذاته كارثة

شرفتينى بالزيارة...
خالص تقديرى..

Guevara يقول...

بصى يا شيماء أنا متفق معاكى شكلا و موضوعا و فى المطلق لو كل حد خلى نفسه فحاله و حاول يقوم نفسه دا هيكون أكيد أفضل

لكن أنا مختلف معاكى فى نقطه واحده بخصوص رواد المساجد من الملتحين و المنقبات

فالرسول صلى الله عليه و سلم قال فيما معناه : إذا رأيتم الرجل يعتاد المساجد فاشهدوا له بالإيمان . صدق الذى لا ينطق عن الهوى

فيما عدا تلك النقطه فأنا متفق تماما مع كلامك اللى ينم عن صفاء داخلى و مصالحه مع النفس بحيث انك معندكيش كبت أو عقد هتفضيهم عاللى حواليكى دا بالبلدى يعنى .

Humman being يقول...

Guevara
أهلا بيك...

أنا اطلاقا لا أقصد "مرتادى المساجد" ككل.. أنا أقصد الانسان الصادق مع نفسه ومع الله ... بيصلى وملتحى وفى نفس الوقت أمين فى كلامه وفى سلوكه... غير مرتشى...لا يخوض فى سيرة أو عرض أى شخص .. بيطبق دين ربنا صح.. مش مجرد شكل قدام الناس وبس.... اللى جوا زى اللى برا

أنا فى ناس أعرفهم تمام المعرفة ... يخوض فى سيرة فلان أو فلانة لمدة ساعة وبعدين يبص فى الساعة ويقوم يقف بسرعة يجرى عشان يلحق صلاة العصر

الصدق مع الله ومع النفس

ميرسى جدا على ذوقك ومشرفنى دايما بالزيارة
خالص تقديرى واحترامى

حصان المرجيحة يقول...

بصي بقي
انا معترض علي شوية نقط
منها :
#ان اللبس مش مجرد مظهر لانه ببساطة دين و الا ماكانش ربنا شرعه
#النبي هو اللي قال اننا نحكم علي اللي بيصلي في الجامع انه مؤمن و مالناش دعوة بقلبه
#نفس الكلام علي اطلاق اللحي لان النبي كان مطلق لحيته فطالما ده دين اقدر احكم عليه باليمان طالما مادخلتش قلبه
#التحرش نتيجة لحاجات كتير منها عيب في الشاب نفسه بس العيب الاكبر ممكن يكون في البنت و لبسها و طريقة مشيها
#دي بعض النقط اللي بختلف معاكي فيها
و الاختلاف في الراي لا يفسد للود قضية
شكرا ليكي

Humman being يقول...

حصان المرجيحة ....
لأ اطلاقا الاختلاف فى الرأى لا يفسد للود قضية
قال رسول الله -صلى الله عليه وسلم- [ليس الايمان بالتمنى ولابالتحلى ، ولكن ماوقر فى القلب وصدقه العمل]..ايمان من جوا ومن برا... فعل وقول ولبس وعمل ... مش مجرد لحية

ايمان بالعمل مش باللبس والشكل

عدم الأخذ بالظاهر ... مش اللحية هيه مظهر الايمان دى سنة.. اللى مش ملتحى أكيد مش كافر... وأكيد حضرتك وأنا و"س" و"س" و "ع" قابلنا شخصيات كدة وعانينا معاها جدا

هدفى يا فندم هو "عدم الحكم الظاهرى والمطلق" على أى شىء...أنا مقلتش على الملتحى وملاتادى المساجد قليلى الايمان... اطلاقا....كمان لم أنكر لبس البنات الغير محتشم... بس لو حضرتك دققت فى كلامى هتلاقينى بقول ... عدم الحكم المطلق... يعنى محطش المصيبة كلها فوق دماغ البنت وأقول ..ده ولد ومن حقه يعمل اللى هوه عايزه.. لأن هوه نفسه برده عليه ضغوط ونفسه يمارس حياة طبيعية زى أى حد

عدم الحكم الظاهرى والمطلق أى شىء
شكرا لمرور حضرتك.. وأنا يا جماعة والله بحب أسمع آراءكم جدا وبتفيد جدا وبتفتح مجال للنقاش... دى مدونة ديمقراطية... بس ديمقراطية بجد مش كدة وكدة
شكرا لمرور حضرتك ودايما مشرفنى
خالص تقديرى

لــــ زهــــــراء ــــولا يقول...

لا تحكم على المرأة التى تخرج للعمل بأنها "خارجة للاستعراض" - ومن أجل أن يراها الرجال .. وشايفة نفسها.. وبتساوى نفسها بالرجالة.. والراجل راجل.. والست ست... وبتزاحمونا فى كل حاجة....واهبطى بقة فى بيتك وربى ولادك.......

خالي مرة بيقول لابنه لما تروح السوق تجيب لماما متشتريش من بياعة اشتري من بياع

ماما ردت عليه وقالتله هي امكانتش محتاجة للشغل ايه اللي يخصبها !!!
دلوقتي الست بتروح تشتغل عشان تثبت ذاتها مش مجرد احتياج واللي مش عاجبه
يشرب من البحر ..على الرجل انا يسبقنا حتى يحصلنا بدلا من ان يطارد احلامنا

فاروق سحير ( فاروق بن النيل ) يقول...

فاروق بن النيل ...
مانتى شغالة رغى مش عايزانا نرغى ليه ياستى المهم أن الله سبحانه وتعالى قال ذلك فى كتابه الحكيم والقرآن الكريم :
"ولاتتجسسو ولايغتب بعضكم بعضا "
" يأيها الذين آمنوا إن جاءكم فاسق بنبأ فتبينوا * ان تصيبوا قوما بجهالة
فتصبحوا على مافعلتم نادمين " ...إلخ
farouksam.blogspot.com

حمـــــــــــــــــــــة يقول...

طفح الكيل
بالفعل العديد من الأخطاء
بدون مجتمع معرفي يصعب الإصلاح

فاروق سحير ( فاروق بن النيل ) يقول...

الفاضلة شيماء ...
إنتى فين من زمان هجرتى المدونة ولا إيه دانا فتحت مدونتين جداد " الفجرالجديد"
وعنوانها: " farouksam2.blogspot.com"
والثانية " تجاربى وحكاياتى" وعنوانها:
"farouksam1.blogspot.com"
أتشرف بدعوة سيادتكم لإفتتاحها وشكرا
فاروق بن النيل

فاروق سحير ( فاروق بن النيل ) يقول...

شيماء .. شوية فضفضة مافيش راحت فين؟
ياولاد الحلال حدش شاف شوية فضفضة ...
قصدى واحدة بتكتب معادلات مجتمع مصر إسمها " شيماء حمدى" والله العظيم وده تالت تعليق وخلاص قربت أعتزل الشعر وهيه لسة ماردتش طيب بصى بس دقيقة
وزورى صديق لك بيقول" فاض الكيل "
بعدين علقى وشكرا