اذا دارت بنا الدنيا وخانتنا أمانينا .... وأحرقنا قصائدنا وأسكتنا أغانينا

ولم نعرف لنا بيتا من الأحزان يؤوينا .... وصار العمر أشلاء ودمر كل ما فينا

وصار عبيرنا كأسا محطمة بأيدينا ...... سيبقى الحب واحتنا اذا ضاقت ليــالينـــا

الرائع/ فاروق جويدة

الأربعاء، 2 فبراير 2011

كفاية يا جماعة أرجوكوا كفاااااااااااية

أرجوكوا يا جماعة كفاية كفاية الناس بتموت فى ميدان التحرير كفااااااية كفااااااااااااية والنبى الله يخليكوا الناس بتموت
أرجوكوا حاولوا تهدوا شوية .... أرجوكوا أخواتنا وآباءنا بيموتوا هناك ....
بلاش المعارضة تولع الدنيا أكتر ما هية والعة ... ارجوكوا الناس بتموت
المعارضة فيها ناس عندها خلفية ثأرية... كلهم كلهم مفيش فيهم حد بنى ءادم ... على رأسهم الكلب أيمن نور... ده كلب كلب
مفيش حد فى المعارضة دى الا وعايز يخطف حتة من مصر ويجرى

الحل الوحيد ان الرئيس زفت مبارك يتنحى ويمسك مكانه عمر سليمان محدش يعترض على عمر سليمان يا جماعة محدش يعترض
محدش يسمع لأى اقتراحات تانية الحل دلوقتى ان عمر سليمان والحكومة الحالية يمسكوا البلد وقدامنا 8  أو 9 شهور نقرر فيهم هنعمل ايه
مش عايزين ندى فرصة لحد يدخل فى شؤون مصر .. يا جماعة أرجوكوا مصر بتضيع مصر بتضييع مصر هتنتهى

محدش ينشر حاجة على مدونته تثير الناس أكتر وأكتر... عايزين ننقذ ما يمكن انقاذه دى بلد بتضييع

لا عايزين اخوان ولا حزب الغد ولا كفاية ولا الجمعية الوطنية للتغيير ... احنا اللى هنحدد مصيرنا
نقبل بعمر سليمان دلوقتى وحكومته .... أرجوكوا يا جماعة البلد بتضيييع
تانى محدش ينشر حاجة تثير الناس أكتر....
الناس بتموووووووووووووووووووت كفاااااااااااية 

هناك 12 تعليقًا:

Tears يقول...

معلش مش لاحقة ارد هنا لانى مضطرة اسيب النت

بس روحى اقرى البوست اللى عندى

مبارك مش ديكتاتور ده مجرم بالادلة و لازم يرحل و هو اللى يتقاله كفاية مش شعب مصر

اقرى البوست و اقرى مستند الداخلية و شوفى ردى على ستار فى التعليقات عشان مش لاحقة اكتب دلوقتى

Ms Venus يقول...

ياارب احمى مصر


مش هقول غير كده


يااااااارب

Humman being يقول...

يا تيرز أرجوكى أرجوكى احنا عارفين ان مجرم وابن كلب كمان بس البلد هتضيييع احنا مش بنتكلم عن كشك سجاير دى بلد لازم ننقذ ما يمكن انقاذه
البلد دلوقتى مليانة مستندات واشاعات وكلام هنا وكلام هناك
هوه كلب ابن كلب اللى أنا بقوله مش الشعب يهرب لأ لو اتهبب حسنى مبارك تنحى نقبل دلوقتى ب عمر سليمان والحكومة الحالية وبعدين نشوف هنعمل ايه
البلد بتضيع ده مش كلام
هنتحول لأفغانستان أرجوكوا يا جماعة بلدنا هتضييع أرجوكوا

Humman being يقول...

فينوس....
يااااااااااااااااااااااااااااارب
يااااااااااااااااااااااااارب
ياااااااااااااااااااااااااااااااااارب

حمـــــــــــــــــــــة يقول...

للأسف لا توجد خيارات كثيرة أمام الشعب المصري
و الوجه الحقيقي بدأ ينكشف
الآن لا تراجع الى الوراء
و إلا عبث أكثر مما متوقعا
تمنياتي بالفرج القريب لكل الإخوة المصريين

حنين القلب يقول...

انا معاكى جدا فى كلامك كله بس هو دلوقتى مش عايز يمشى نعمل ايه نفضل فى مظاهرات لحد سبتمبر نكون خلصنا
ولا العقل بيقول نهدا ونشوف عمر سليمان واحمد شفيق والحكومة الجديدة هتعمل ايه

ولا انتى ايه رايك؟؟؟

Tears يقول...

انا ماقلتش اى حاجة ضد عمر سليمان انما كل اللى بقوله ان لازم مبارك يرحل و مش ح يمشى غير بمظاهرة مليونية تانى فى كل المحافظات بالذات بعد ما امريكيا ضربته النهاردة و قالت يجب ان ينقل السلطة فورا و الاتحاد الاوروبى نفس الشىء

يعنى خلاص همه استغنوا عن دعمه لانه اتحرق

لكن لو الناس سكتت و سبناه كام شهر ح ينتقم و يولع البلد

اقرى اللى نوارة نجم كاتباه عشان كلامها واقعى اوى

Humman being يقول...

حمــــة...
لأ لا تراجع اطلاقا أنا أبدا مش بدعو للتراجع بس بقول بعد ما يروح فى ستين داهية نقبل بالتحاور مع عمر سليمان

دعواتك

Humman being يقول...

حنين القلب...
نسمع عمر سليمان وأحمد شفيق ونحاورهم بس بعد ما يمشى ويغور فى ستين داهية
احنا كنا هدينا امبارح وقلنا ميخرجش بره مصر ونسيبه يموت فى مصر بس اللى عمله انهارده مووووت ودمار ربنا يولع فيه بجاز يااااااارب

Humman being يقول...

tears...
مش هنتراجع عن خروجه...مش هنسيبه الكلب ده
بس القوى المعارضة منقسمة على نفسها ... ده يؤيد وآخر لا يؤيد... وكل حد عنده اقتراح مغاير للآخر
البلد هتضيع كدة .. وكل حد منهم عنده خلفية ثأرية أو نفسه ياخد منصب

لأ منسبش البلد تضيع ومنسبش الغرب يتدخل فى أمورنا

يخرج فى داهية تاخده وبعد كدة نقبل بالحوار
بلاش والنبى نسيب البلد تضيع

Tears يقول...

ما تخافيش القوى مش منقسمة و لا حاجة و اصدروا بيان و اكلم عنه د يحيى الجمل ان مبارك يتنحى و ح نتفاهم مع عمر سليمان و مافيش مشاكل

جدعه...عجبنى موقفك لازم الجمعة يخرج عدد اكبر عشان نحط كلمة النهاية للمجرم

فاروق سحير ( فاروق بن النيل ) يقول...

شيماء ........
روحى مع الشباب ده وإنتى تعرفى إنتى عايشة مع أى دكتاتور وحكام سرقوكى
إقرأى البوست الأخير ليا.........
شكرا شيماء